محەمەد ئامۆكەیی – زاری كرمانجی:
كارەكانی بە تەنیا لە كوردستان و شارەكەی نمایش نەكردووە بەڵكو چەندین وڵات دەكاتە شوێنی نمایشی كارە دەستیەكانی، ئەوەش وادەكات بگاتە پاپای ڤاتیكان عەبای ئاشتی بخاتە سەر شانی، شاناز جەمال مەحموود، هونەرمەند و دەستڕەنگین چالاكوان لەبواری ئاشتی و پێكەوەژیان و شارەزا لەبواری كلتور و كەلەپوور، لە هەڤپەیڤینێكی زاری كرمانجی تیشك دەخاتە سەر پێكەوە ژیان و كارە دەستیەكانی و بەشداری پێشانگا نێودەوڵەتییەكان دەكات و رایدەگەیەنێت” لە ٢٠١٦ وە دەستم بەكاری زیندووكردنەوە و پاراستنی كلتوری كوردەواری كردووە، لە زۆر پێشانگا و پێشانگای تاییبەت كارەكانم بەشداربوومە لە وڵاتی ئەمریكا، توركیا و ئیتالیا كارەكانم نمایش كراون خاوەنی چەندین بڕوانامەو خەڵاتی جیهانی و ناوخۆیم سەبارەت بەكارو هونەرەكەم خەڵات كراوم”.
شاناز جەمال، باس لە دیارترین كارەكان و نەخشاندنی ئەو عەبایە دەكات كە پێشكەش بە پاپای كرد، گووتی” دیارترین كار كە دەنگدانەوەی هەبوو دروستكردنی بەرگی ئاشتی پاپای ڤاتیكان بوو، وەك یەكەم ژنی كورد و جیهان هەستام بەو كارە هەموو هێمای ئاینەكانی كە لە كوردستان بە ئازادی ژیان ئەكەن لەسەر بەرگی پێكەوە ژیان نەخشاندم، جگە لەوە جاچمی كوردەواری و ریشوەو مورو بەردی بەنرخم بەكار هێنابوو پشتی عاباكە 5 هەزار یاقوتی سوری لەسەر نەخشابوو كە ئاماژەبوو بۆ رۆحی پاكی شەهیدانی هەڵەبجە، پێشی عەباكە 182 هەزار بەردی یاقوتی لێ بەكار هاتبوون كە ئاماژەبوو بۆ رۆحی پاكی ئەنفال و جینۆسایدكردنی كوردستان، لەوانە جینۆسایدی جووەكان و ئێزدیەكان، هەموو بەهێماو ئاماژە لەسەری نەخشابوو، پێشی عەباكە هێمای 8 ئاینی لەسەر چێنرابوو ئیسلام، مەسیح، زەردەشت، بەهائی، كاكەیی، صابئی، جوو، لەپای ئەم كارە سوپاس نامەی ئاشتی و جیهانیم لەلایەن پاپای ڤاتیكانەوە پێ بەخشرا كە یاوەری ئەو شاندەی حكوومەت بووم كە لە وەزیری ئەوقاف و بەڕێوەبەری پێكەوەژیان پێكهاتبوو بۆ وڵاتی ڤاتیكان”.
ئەو چالاكوانەی پێكەوە ژیان لە بەشێكی تری قسەكانی دا باس لە پاڵپشتیەكانی سەرۆكی حكوومەت دەكات و دەڵێت” لێرەوە سوپاسی مەسرور بارزانی سەرۆكی حكوومەتی هەرێمی كوردستان دەكەم بۆ هەموو ئەو پشتگیری و دڵسۆزیەیان لە پێناو پاراستنی ئاشتی و پێكەوەژیان و پشتگیری تەواویان بۆ ئەم كارە مەزنەی ئەنجامیان دەدات، ئەمەش دەرخەری ئەوەیە جەنابیان لە هەمووان پەرۆشترە بۆ پێكەوەژیان و هاوكاری و پاڵپشتی كەسانی دەستڕەنگین و هونەرمەند.
