زاری كرمانجی-ڕواندز
وەزارەتی شارەوانی و گەشتوگوزار بڵاوی كردووە: بەپێی فەرمانێكی وەزاری، ڕەزامەندی دا لەسەر خەرجكردنی گوژمەیەكی پێویست بۆ كاری نۆژەنكردنەوەی كەمپی حامیەی ڕواندز لە سنووری ئیدارەی سەربەخۆی سۆران.
ئەوەش خراوەتەڕوو: “گوژمەكە لەسەر ڕێژەی 1%ی داهاتی بەڕێوەبەرایەتیی شوێنەوار و كەلەپووری سۆران و بەپێی خشتەی پلانی ساڵی 2025 بەمەبەستی نۆژەنكردنەوەی كەمپی حامیەی ڕواندز لە سنووری بەڕێوەبەرایەتیی شوێنەوار و كەلەپووری سۆران بەپێی یاسا و ڕێنماییە داراییەكان خەرج دەكرێت
.
حكوومەتی هەرێمی كوردستان لە ڕێگەی وەزارەتی شارەوانی و گەشتوگوزارەوە بۆ پاراستن و پەرەپێدانی زیاتری شوێنەوارەكان، بایەخێكی زۆر بە پڕۆژەكانی شوێنەواری دەدات لە بواری كاری كنەوپشكنین و گرێبەست لەگەڵ زانكۆ بیانییەكان و ناوخۆییەكان و دۆزینەوە و نۆژەنكردنەوەی شوێنەوارەكان لەسەر ئاستی هەرێمی كوردستان.
