سەردار قازی – سۆران:
لە گەڕی سێیەمی خولی نایاب بۆ تۆپی دەست، یانەی سۆران پێشوازی لە یانەی كەركووك كرد و یارییەكەی لێ بردەوە. ڕۆژی هەینی 4ی 11ی 2022، لە هۆڵی داخراوی دێڵزیان لە گەڕی سێیەمی خولی نایابی كوردستان، تیپی تۆپی دەستی یانەی سۆران میوانداری تیپی تۆپی دەستی یانەی كەركووكی كرد، لە یارییەكی بەهێزدا دوای كێبڕكێیەكی زۆر لەلایەن یاریزانانی هەر دوو یانە، سەرەنجام كوڕانی سۆران ی پایتەختی شەهیدان باڵادەستی خۆیان سەپاند و توانیان یارییەكە بە 28 گۆڵ بەرامبەر 26 لە یانەی میوان ببنەوە.
تیپی تۆپی دەستی یانەی سۆران، لە سێ یاریی، دوو بردنەوە و شكستێكی هەیە.
