مەهدی محەممەد – زاری كرمانجی :
ڕۆژنامەی عەرەب لە زاری سەركردەیەكی دیاری سوننەكانی عێراق بڵاوی كردەوە كە شیعەكان لە پاشەكشەدان بۆ ناچارن لەژێر كاریگەریی توندی ئێران بێنە دەرەوە.
هەفتەی ڕابردوو سەدرەدین قەبانچی، پێشنوێژ و وتار خوێنی مزگەوتی نەجەف، ڕاگەیاند “خەڵكانێك خەریكی گەلەكۆمەن دەیانەوێت شیعەكان لە حوكم كردنی عێراق دوور بخەنەوە.”
ئەسیل نوجەیفی، سەركردەی دیاری سوننەكانی عێراق ڕایگەیاند “ئەوەی كە سەدرەدین قەبانچی لە گوتاری هەینی ڕابردوو لە نەجەف ڕایگەیاند، كە لە شەودا بڕیار لە سەر دەنگی شیعەكان دەدرێت، ترسی ئەو پێكهاتەیەیە لە بەرەوپێشەوەچوونی سوننەكان و بە شێوەیەكی گشتی لەنێو شەقامی شیعە هەمان ترس بوونی هەیە.”
نوجەیفی دەشڵێت “چوار هۆكار هەن بۆ ئەوەی بزانین كە شیعەكان لە پاشەكشەدان و بە ناچاری دەیانەوێت لە ژێر كاریگەریی توندی ئێران بێنە دەرەوە كە ئەوانیش بریتین لە: زۆرینەی خەڵكی ناوەڕاست و باشوور نیگەرانن لە دەستتێوەردانی ئێران لە عێراق، پاشەكشەی سەدرییەكان و بەشدارینەكردنیان لە هەڵبژاردن، ناكۆكی و دابەشبوونی لایەنە شیعییەكان، گۆڕانكارییەكانی ناوچەكە و پاشەكشەی ئێران لە وڵاتانی دراوسێ.”
جەخت لەوەش دەكاتەوە كە شیعەكان لە هەڵبژاردنی داهاتوو تەنیا 30 كورسییان بۆ دەمێنێتەوە .
