شۆفێنیزمەکانی عێراق بە هەموو شێوەیەک تاقی کرانەوە

هەڵمەت حاجی

شۆڤینییەکانی عێراق هەموو ڕێگایەکیان لەگەڵ تاقیکرایەوە، ئەگەر باسی گفتوگۆ بکەین هەزاران جار شاند لە هەرێم چۆتە بەغدا بۆ گفتوگۆکردن و چارەسەری ئەو کێشانەی بەغدا دروستی کردوون،ئەوە نزیکەی 11 ساڵە هیچ نەما لەگەڵیان نەکەین بەس تاکو لە سزادانی قوتی خەڵکی کوردستان بوەستن،ئەگەر بیانوو بگرن بەشتی جۆراو جۆر، هەزاران بیانوویان هەبوو هەمووی بڕدرا، ئەوەی لەسەر حکومەتی هەرێم بووە بە زیادەوە هەمووی کرد تاکو عێراق لە سزادانی خەڵکی کوردستان و بڕین و نەناردنی قوتی خەڵک بوەستێت بەس هەر نەوەستا، هەتا بەشێک لەو بەچکە جاشانەشی کە شاشەی میدیاکانیان بۆ دەڕازێنرایەوە تاکو حکومەتی هەرێم تاوانبار بکەن و شەو ڕۆژیان ئەخستە سەر یەک تاکو جاشایەتی خۆیان ئەپدەیت بکەن، مەکینەی ئیعلامیان هەر لە رێگەی ئەو بەچکە جاشانە ئەخستەگەڕ، هانی خەڵکیان دەدا بێنە سەر شەقام دژی هەرێم تاکو بژی بژی بۆ عێراق بکەن و خەڵکیان لە کار و کەسابەتیش ئەکرد و ئەگەوجاند، کە ئامانجیان ئەوەبوو، بۆ عێراقێکی شۆڤینی، حکومەتی خۆیان تاوانبار بکەن.

لەوەش گەڕێن بێ ئەوەی بیر لە مێژوو بکەنەوە، خۆ لە کاتی ئەنفال و کیمیاباران و روخاندنی گوندەکانی کوردستان لەلایەن عێراقەوە، نە هەرێم وەک قەوارە و نە داهات و نە نەوت و هیچ شتێک نەبوو ، جگە لە هەناسەو چیاکان و ئیڕادە، ئەی باشە عێراق بۆ ئەو کات ئەنفالی کردین و کیمیابارانی کردین و گوندەکانی ئەروخاندین و خەڵکی بێسەروشوێن ئەکرد؟ هۆکارەکە ئەوەیە عەقڵیەتی عێراق بەرامبەر کورد و کوردستان چۆن بووە هەر وا دەمێنێتەوە، یەعنی ئەگەر ئەو جاشانە ئێستا بوێریان هەبوایە سەد رەحمەتیان بۆ ئەوانە دەنارد کە قەتڵ و عامی گەلی کوردیان کردووە، خۆ بەشێکیان رەحمەتیشیان نارد، بە رێگای جیاواز شەرعیەتیان دەدا بە قەتل و عامکردنی گەلی کوردستان لەلایەن عێراقەوە ، لەوەش گەڕێن ئێستا گەر بیانوو بە نەوتی حکومەتی هەرێم بگرن ئەوە نەوتەکە هەر راگیراوە ، ئەگەر بیانوو داهاتە، ئەوە ئەویش رادەستیان کراوە، ئەگەر ناردنی لیست ومیستە هەموو مانگانە لە کاتی خۆی نێردراوە، ئەگەر بیانوو گفتوگۆیە ، دەیان و سەدان جار کورد رێگای حیواریشی هەڵبژارد بەڵام هەر چاک نەبوون ، بە کورتی و کوردی عێراق ئامادە نییە واز لە سزادانی خەڵکی کوردستان بهێنێت، ئەمە فرچکە پێیانەوە گرتووەو بەرینادەن تا هەتا، عێراق عەمەل بە هاوبەشی و هاوسەنگی و تەوافوق ناکات، بۆیە ئەوەی لەسەر خەڵکی کوردستان لەم قۆناغەدا پێویستە یەکدەنگی و یەکگرتووبن چونکە پەیوەندی بژێوی و ژیان و قوتی تاک بەتاکمانە بێ جیاوازی، عێراق ئامانجاکەی سزادانی خەڵکی کوردستان و لاوازکردنی هەرێمە ، بۆیە ئێمەش پێویستە هەموو لایەک بەرپرسیارانە و کوردانە رووبەرووی ئەو سزادانە ببینەوە کە عێراق دژی هەرێم و کوردستانیان گرتویەتییەبەر.
وە ئەوەی پشتی سزادانەکەی عێراقیش بگرێ و هەڵپەرێ تاکو گەلەکەی سزابدرێت، دڵنیابن شەرمەزاری مێژوویی بەردەکەوێت.