زاری كرمانجی-سۆران
ئەندامێكی كورد لە پەرلەمانی عێڕاق، دەڵێت: “بڕیاری وەزیری دارایی عێراق بۆ نەناردنی مووچەی فەرمانبەرانی هەرێمی كوردستان هیچ بنەمایەكی یاسایی نییە و دژبە بڕیاری داگای فیدڕاڵییە.
جوان عەبدولڵا، ئەندامی ئەنجوومەنی نوێنەرانی عێراق لە فڕاكسیۆنی پارتی دیمەكراتی كوردستان، بە زاری كرمانجی ڕاگەیاند: “ئەو بڕیارەی وەزیری دارایی عێراق، هیچ بنەمایەكی یاسایی نییەو دژی بڕیاری ژمارە 224 ی دادگای فیدڕاڵییە، كە باس لە وەدەكات حكوومەتی بەغدا پابەند بێت بە ناردنی مووچەی خەڵكی هەرێمی كوردستان، وردەكاری بڕیارەكە ئەوەیە كە لە ساڵی 2024 دادگای فیدڕاڵی بڕیارێكیدا كە حكوومەتی ناوەند پابەند بێت بە خەرجكردنی مووچەی فەرمانبەرانی هەرێم، واتە نابێت كێشە سیاسییەكان ببنە هۆكاری نەناردنی مووچە.
گووتیشی: “ڕونتر بڵێین دادگای فیدڕاڵی ئەوەی دوپات كردووەتەوە، تەنانەت ئەگەر كێشەی هەبێت لەنێوان هەرێم و بەغدا، نابێت ببێتە هۆكاری ئەوەی مووچەو قوتی فەرمانبەرانی هەرێمی كوردستان ببڕدرێت، هەروەك دادگای فیدڕاڵی بەرزترینە لە ئاستی باڵای وڵات، بۆیە ناكرێت وەزارەتی دارایی یان حكوومەتی ناوەند پابەندی نەبن و دژبە بڕیارەكە بوەستنەوە.
