زاری كرمانجی – سۆران
پارتی دیموكراتی كوردستان، بە درێژای تەمەنی خۆی 13 كۆنگرەی بەستووە و بڕیار وایە سبەی پێنجەشممە، 3 – 11- 2022 دەست بە كاروباری ئەنجامدانی كۆنگرەی 14ی خۆی بكات و لە شاری دهۆك ئەنجام دەدات.
یەكەمین كۆنگرەی پارتی لە رۆژی 16ی ئابی 1946 بەنهێنی لەماڵی (سەعید فەهیم) لەناوچەی ئەعزەمیەی بەغداد ئەنجامدراوە، لەم كۆنگرەیەدا 70 ئەندام بەشداربوون، بەفەرمی ناوی حزبەكە بوو بە پارتی دیموكراتی كورد، ئەم كۆنگرەیە مەلا مستەفا بارزانی بەسەرۆكی حزب هەڵبژێردرا
دووەمین كۆنگرەی پارتی لەئازاری 1951 لەبەغداد بەڕێوەچوو
سێیەمین كۆنگرە پارتی لە 26ی كانونی دووەمی 1953 لەكەركوك بەڕێوەچوو، نزیكەی 40 ئەندام بەشدارییان تێدا كرد، ناوی حزب لە (پارتی دیموكراتی كورد)ەوە گۆڕدرا بۆ (پارتی دیموكراتی كوردستان).
چوارەمین كۆنگرە لەئۆكتۆبەری 1959 لەبەغداد ئەنجامدرا
كۆنگرەی پێنجەمی پارتی لە ئایاری 1960 بەڕێوەچوو، كۆنگرەكە لەبەغداد ئەنجامدرا، 148 ئەندام بەشدارییان كرد.
كۆنگرەی شەشەمی پارتی لە تەمموزی 1964 لە قەڵادزێ بەڕێوەچوو.
كۆنگرەی حەوتەمی پارتی لەمانگی 11ی 1966 لە گەڵاڵە بەڕێوەچوو، 370 كەس بەشدارییان تێداكرد.
كۆنگرەی هەشتەمی پارتی لە تەمموزی 1970 لەناوپردان بەبەشداری 488 كەس بەڕێوەچوو.
كۆنگرەی نۆیەمی پارتی لە تشرینی یەكەمی 1979، پارتی لەناوچەی زێوەی لەسنوری مەرگەوەڕی پارێزگای ورمێی رۆژهەڵاتی كوردستان، كۆنگرەی نۆیەمی خۆی بەست
كۆنگرەی دەیەمی پارتی لەكانونی یەكەمی 1989 لەمەرگەوەڕ بەبەشداری 332 كەس بەڕێوەچوو.
كۆنگرەی یانزەیەمی پارتی ، لە 16ی ئابی 1993 لەهەولێر بەسترا.
كۆنگرەی دوانزەیەمی پارتی لە تشرینی یەكەمی 1999 لەهەولێر بەڕێوەچوو، هەزارو 473 كەس بەشدارییان تێدا كرد.
كۆنگرەی سیانزەیەمی پارتی لە 11ی كانونی دووەمی 2010 لەهەولێر بەڕێوەچوو.
كۆنگرەی چواردە بڕیارە 3 – 11 – 2022 لە شاری دهۆك بەڕێوەبچێت .
