رێبوار حەمەلاو شوانی
سەردانی مەسروور بارزانی، سەرۆكوەزیرانی كوردستان بۆ وڵاتە یەكگرتووەكانی ئەمەریكا، سەردانێكی سادە و رەمزی نییە، بەڵكو لە ئەنجامی دروستبوونی ئەو متمانە و پێگەی بەهێزەی هەرێمی كوردستانە كە بە هەوڵ و تێكۆشانە دیپلۆماسیەكانی توانیوێتی سەنگ و پێگەی هەرێمی كوردستان لە هەموو ئەو قەیرانە دروستكراوانە و ئاستەنگانەی كە نەیارانی ئەم گەل و قەوارەیە بپارێزێت .
بەدڵنییاییەوە، ڕێككەوتنی ستراتیژی بۆ دووگڕێبەست لەبواری سەرمایەگوزاری لە كەرتی وزە ، لە نێودان واشنتۆن و هەولێر بەربڕی زیاتر لە سەد ملیارد دۆڵار ، ئەمەش ئاماژەیەكی روونە بە متمانەی تەواوی ئیدارەیی ئەمەریكا بە هەەرێمی كوردستان و پشتیوانی نێودەوڵەتی بۆ گەلی كورد و پێشكەوتن و گەشەسەندنی هەرێمی كوردستان لەڕووی ئابووری و كەرتی وزەوە .
هەروەها گەلی كورد لە چوارچێوەی حكوومەتی هەرێمی كوردستان و پەیوەندییە سیاسی ودیپلۆماسییەكانی سەركردایەتیی كورد ، وایكردووە پێگەی گەلی كورد لە گۆڕەپانی نێودەوڵەتی بە ئاستێكی زۆر باش و گەشەپێبكات . ئەمەش خۆی لە خۆیدا گرنگی و بایەخێكی زۆری هەیە بۆ نەتەوەی كورد ،نەك تەنها بۆ باشووری كوردستان بەڵكو بۆ هەموو كورد لە سەر ئاستی هەر سێ بەشەكەی كوردستان ، چونكە هەرێمی كوردستان پارێزەری بەهێزی نەتەوەی كورد و دۆزەرەواكەیەتی . لە هەمانكاتیشدا پێگەی هەرێمی حكوومەتی كوردستان وەك دەروازەیەكی بەهێزە بۆ پارچەكانی دیكەی كوردستان ، دەرگەی نێودەوڵەتیش بەرەو رووی كوردستان دەكرێتەوە و هەنگاوێكی گرنگ و ستراتیژییە بۆ بەنێودەوڵەتی كردنی دۆزی كورد و تێپەڕاندنی سنوورە دەستكردەكان ، ئەمەش پرسی كورد بەرەو قۆناغێكی گەشەسەندووتر و پێشكەوتووتر دەبات .
هەموو ئەم پەیوەندی و گڕێبەستە ستراتیژییانە دوێنی و ئەمڕۆ لەگەڵ كۆمپانیا گەورە و ستراتیژییەكانی ئەمەریكا ، بە شێوەیەكی یاسایی و دەستووری و واژۆكردنی ڕێككەوتنێكی ستراتیژی كوردستان بەرەو داهاتوویەكی گەش و پێشكەوتوو تر دەبات ، خەونی نەیارانی كورد بۆ گۆشەگیركردن و لاوازكردنی قەوارەی هەرێمی كوردستان شكستپێنێنا . لەهەمانكاتیشدا كوردستان دەبێتە سەرچاوەیەكی گرنگ لە بەرهەمهێنانی وزە و كارەبا و هەناردەكردنی بۆ وڵاتانی ناوچەكە .
هەروەها ئەو ڕێككەوتننامە ستراتیژییە وادەكات كە زەمینەی سەرمایەگوزاری بیانی لە كوردستان بەرەو پێشەوە ببات و زۆربوونی پرۆژەكانی بەرهەمهێنانی نەوت و غاز ، جگە لەوەی بایەخ و گرنگییەكی باشی بۆ پێشخستنی ئابووری كوردستان هەیە ، لە هەمانكاتیشدا دەبێتە هۆی رەخساندنی هەڵی هەزاران هەڵی كار و گەشسەندنی بازارەكانی كوردستان و رێگەی سەربەخۆی كوردستانیش خێراتر و كراوەتر دەبێت.
ئەوەی جێگەی هەڵوەستەكردنە ، ئەم سەردان و دیداروگفتوگۆیانەی سەرۆكوەزیرانی كوردستان لە ئاستێكی بڵند لەگەڵ بەرپرسانی ئەمەریكا و بەتایبەتی ئیدارەی دۆناڵد ترەمپ ، بەتایبەتی لە ئێستادا كە گۆرانكاری گەورە لە ناوچەی رۆژهەڵاتی ناوەڕاستدا لە ئارادیە و هەڵوێستی راست و ڕاشكاوی واشنتۆن بەرامبەر گۆڕانكارییەكان و مامەڵەكردنی ئەرێنیانەی لەگەڵ كوردستان ، هیچ جیاوازی نییە لەگەڵ ئەو ڕێككەوتننە بازرگانییانەی كە لە ماوەی رابردوو و سەردانی سەرۆكی ئەمەریكا لەگەڵ وڵاتانی كەنەداو واژۆی كرد .
بەدڵنییاییەوە ، دیداروكۆبوونەوەی كانی مەسروور بارزانی ،سەرۆكوەزیرانی كوردستان ، لەگەڵ گەورە بەرپرسانی ئەمەریكا بەتایبەتی لە پرسی ئاشتی و وزە و دیپلۆماسیی و وەربەرهێنان و بازرگانی و پەیوەندییە نێودەوڵەتییەكان ، وادەكات كە سەنگ و پێگە و متمانەی هەرێمی كوردستان لە سەر ئاستی ناوچەكە و نێودەوڵەتی بەهێزتر بكات .ئەوەی بۆ هەوڵ و ماندووبوون و تێكۆشان ودونیا بینی و دوورینی و هەنگاوەكانی سەرۆكوەزیرانی كوردستان بۆ ئێستا وداهاتوو دەگەڕێتەوە لە پێناو ئایندەیەكی گەش بۆ گەلی كورد و هەرێمی كوردستان.
