رێبوار حەمەلاو شوانی
لە ژێر ڕۆشنایی گووتارە مێژووییەکەی رابەری گەلی کورد، سەرۆک مسعود بارزانی ، لەرۆژی 15/5/2025 بۆ کۆنگرەی یەکگرتنەوەی قوتابیان و لاوانی کوردستان، سەبارەت بەو جەنگەی قورسەی کە دوژمنان و نەیاران دژی کوردستان دەیکەن کە ئەویش قورسترین شەڕە ئەویش شەڕی ئیرادە و چەکی بەکارهێنانی مادەی هۆشبەرە ، کە چەند ساڵێکە شوێنی بەکارهێنانی تۆپ و تانک و فڕۆکە و کیمیاباران و ئەنفالکردنی گڕتۆتەوە ، مەرام و خەونی سەڕەکی نەیارانی کوردستانیش ئەگەڕ دوێنی کۆمەڵکوژی و ڕێشەکێشکردنی مۆڕکی نەتەوایەتی مان بوو بێت ، ئەواتا ئەمڕۆ بەڕێگەی بەکارهێنانی شەڕ ئیرادە و باوەری نەتەوەیی و نیشتیمانیمان و ئەوا مادەی هۆشبەریش وەک چەکێک بۆ ئەو مەبەستە بەکار دێنن تا تاکی کورد وابستە و لاواز و بێ ئیرادە بێت و هیچ هەستێکی کوردپەوەری و وڵاتپارێزی و خۆشەویستی نیشتمان لە ناخید بوونی نەمێنێت .
هەڵکەوتەی جوگرافیایی کوردستان کەوتۆتە نێوان و دراوسێتی ، هەر سێ نەتەوەیی عەرەب ، تورک ، فارس ، کە بەدرێژایی مێژوویی بە زۆر لکاندنی نەتەوە و جوگرافیایی کوردان ، هەرەم هەوڵی سڕینەوە و لەناوبردنی گەلی کورد یان داوە ، ئەو داگیرکەرانەی کوردستان ، هەمیشە بە زمانی ئاگر و ئاسن لەگەڵ کورد هەڵسوکەوتیان کردووە ، بەڵام لە بەرانبەریاندا و ئەو سیاسەتەش وایکردووە کە گەلی کورد بە ئیرادەیەکی بەهێز و خۆڕاگرانە،سەرە ڕای ستەمکارییەکانیان بە خوێن و گیانی ژیانی سەربەزرانە و خۆنەچەمێنانەی هەڵبژێرێت و بژیت .
کاتێک دوژمنان و داگیرکەران هەر چی سیناریۆ و پیلانگێری و چەکی قورس و کۆمەڵکوژیان بەرانبەر ئیرادە و خۆڕاگری و رژد بوونی گەلی کورد لە خەبات و بەرخودانی بۆ گەیشتن بە ئامانج و مافەرەواکانی تاقیکردنەوە و نەچوونە ژێر هەموو داگیرکەر و دوژمنانەوە ، ئەوەتا چەند ساڵێکە ، جگە لە بەکارهێنانی مووشەکی بالستیک و درۆن و تیرۆر و میلیشیا و جۆرەها شێواز و سیناریۆی قێزەوەن و مەترسیدار ، بۆ لاوازکردن و خۆبەدەستەوەدانی گەلی کورد ، ئەوەتا شەڕێکی قورس و مەترسیداریان دژی ئیرادە و باوەری گەلی کورد و ئەزموونەکەی کە بەرهەمی خوێنی شەهیدان و خەباتی سەدەیەک قوربانیدانی ئەم گەلە ستەم لێکراوەیە
ئەوەتا دوژمنانی ئەو گەل و نیشتیمانە لە یەککاتدا ، شەڕی ئیرادە و ئابووری و دارایی و ئینجا بەکارهێنانی چەکی ماددەی هۆشبەر دژمان بەکاردێنن کە مەرامیان روون و ئاشکرایە ، ئەویش کاڵکردنەوەی ئەو بیروباوەرە کە خۆی لە خۆشەویشتی بۆ خاک و نەتەوەکەمان و ئامانجەکانمان دەبینێتەوە ، بەڵام گەلی کورد خاوە ئیرادە و خۆڕاگرییە ، بەدڵنییاییەوە لەم جەنگەشەدا بۆ هیچ دوژمنێک خۆی ناچەمێنێت ، چونکە خاوەن مێژووییەکی پڕ سەروەریی و رابەر و سەرۆکێکی دڵسۆز و کارێزما و ژیرە کە وەک چیاییەک بەرامبەر پیلانگێری و شەڕانگێزی دوژمنانی کوردوکوردستان و خەونە نەزۆکەکیانیاو وەستاوەتەوە
گەلی کورد مێژووییەکی دێرینی هەیە لە خەبات و بەرخودان ، بە جۆرێک کە هەمیشە بە ڕۆحێکی قوربانیدان و باوەرێکی پتەوە بە دۆزە رەواکەی بەرامبەر دڕندەترین پیلان و هێرش و گەلەکۆمەکی و تیرۆری دوژمنان خۆنەچەمێنانە وەستاوەتەوە ، هەر ئەوەشە کە ئەمڕۆ وایکردووە کە دۆزی گەلی کورد وەک ئەستێرەیەکی گەش بگاتە ئاستی وڵاتانی دونیا.
ئەو بیروباوەرە لە شۆڕشەکانی گەلی کورد ، هەر لە شۆڕشەکانی بارزان و ئەیلوول و گوڵان تا دەگاتە ، ڕاپەڕین و شەڕی ئازادی عێراق ، شەڕی جیهانی تیرۆر و شۆڕشی ڕیفراندۆمی سەربەخۆیی ، ئینجا جەنگی بەرگری و خۆنەچەماندن و پاراستی ئەزموونی هەرێمی کوردستان و تا دەگاتە شەڕی مووشەکی و درۆن و ئابووری و ئیرادە و هەناردەکردنی ماددەی هۆشبەر ، چۆکی دانەنا بەرامبەر دوژمنان و نەیارانی کوردستان .
چونکە دوژمنان و نەیارانی گەلی کورد ، لە رابردوو و ئێستاشدا هەموو جۆرە چەک و سیناریۆیەکیان تاقیکردنەوە ، هەر لە شاڵاوەکانی ئەنفال و کیمیاباران و وێرانکردنی گوندەکال و ئینجا تیرۆر و داعش و دروستکردنی قەیرانی دەستکردی دارایی و دەیانی دیکە ، نەیانتوانی چۆک بەو گەلە خۆڕاگرە دابنێت ، ئەوە نیشان دەدات کە گەلی کورد خاوەن مێژوو و بیروباوەرێکی پۆڵایینە لە سەر مافەرەواکانی خۆی سازش بۆ هیچ دوژمن و نەیارێک ناکات و هیچ پیلانگێرییەک ناتوانێت کاریگەری لەسەر بیروباوەری کوردپەوەری و نیشتمانپەوەری نەبووە و نابێت .
