ڕاژان عەبدولڕەحمان پیرۆ
دەسپێکردنی کۆنگرەی 14ی پارتی دیموکراتی کوردستان زۆر نزیک بوتەوە و تەنها دوو ڕۆژی ماوە بۆ بەڕێوەچونی کۆنگرە، پارتی دیموکراتی کوردستان حزبێکی سیاسی نێو گوڕەپانی سیاسیە و 76 ساڵە خەبات لە خەبات و قوڕبانیدانی بەردەوام دایە؛ دامەزراندنی پارتی دیموکراتی کورد-کوردستان لە سەر دەستی سومبولی ڕۆحی نەتەوەی کورد «بارزانی باوک» بووە لە 16 ئابی 1946ز
پارتی لە سەر چەند بنەمایەک دامەزراوە
لە وانە پارێزگاریکردن لە فرەڕەنگی ئایینی،نەتەوەیی،زمان، پراکتیزە کردنی دادپەروەی کۆمەڵایەتی بێ جیاوازی، پێدانی ڕۆل بە کادیرانی دڵسوز لێهاتوو شایستە کە بتوانن ئەو پەڕی خزمەت بە ڕۆلەکانی گەلی کوردستان بکەن.
دیموکراسیخوازی لە هەمبەر تۆتالیتاریزمدا لە سەر ئاستی ناوچەی ڕۆژهەڵاتی ناوەڕاست، وەڵامدانەوەی ئەو غەدرە مێژووییەی کە لە چاڵدێران و سایکس بیکۆ لە دۆزی ڕەوای نەتەوەی کورد کرا. پەیڕەو کردنی پرەنسیپی کوردایەتی لەسەر ئاستی کوردستانی گەورەدا،
خەباتکردن ل پێناو چەسپاندنی سەقامگیری گشتی لە عێراق و ناوچەکەدا، واتە شەڕ لە پێناو ئاشتی دا و، سیاسەت کردن و دیپلۆماسیەتیش بۆ هێنانەدی ئاشتی لە هەمان کاتدا. پاراستنی پرەنسیپی پێگەو و سەنگی پارتی لەنێو جەماوەری کوردستاندا
هەموو ئەمانەو زۆر خەسڵەت وتایبەتمەندی تر..،
بویە پێویستە ئەندامانی کۆنگرەی 14بە ویژدانەوە کەسانێک بۆ سەرکرایەتی هەڵبژێرن کە بتوانن خزمەت بە پارتی و ڕێبازی پیرۆزی «بارزانی باوک» بکەن و لە ئاست گەورەیی پارتی وبارزانی و هەلومەرجی دژواری ئێستای کوردستان و ناوچەکە جیهاندا دا بن.
