جووتیاران رۆژانە دەیان تۆن بەرووبووم لە گومرگی سۆران ساخ دەكەنەوە

پشتیوان كەریم- زاری كرمانجی:
لە گومرگی سەوزە و میوەی سۆران، ڕۆژانە بە دەیان جووتیار بەمەستی ساخكردنەوەی بەربوومەكانیان ڕوو لە گومرگ دەكەن، كڕیارێكی زۆریش بۆ بەدەست هێنانی بەرووبوومی خۆماڵی، سەردانی ئەو شوێنە دەكەن.
سەباح كەریم سەرۆكی ئەنجوومەنی گومرگی لە قەزای ناوەندی سۆران، بۆ زاری كرمانجی گووتی:” ساڵانە هەرێمی كوردستان دەتوانێت بەشی زۆری پێداویستییە ناوخۆییەكان پڕبكاتەوە، بەبەروبوومە هاوینیەكانی وەك پەتاتە، پیاز، كاڵەك، شووتی كە ساڵانە لە هەرێمی كوردستان هەزاران تەن لە لایەن جووتیارانەوە بەرهەم دەهێندرێت .
سەرۆكی ئەنجوومەنی گومرگی قەزای ناوەندی سۆران، دەڵێت:” حكوومەتی هەرێمی كورستان ئەو بەروبوومانە لە ناوخۆ هەن كاتی پێگەیشتنیان تەواوی ئەو بەروبوومانەی لە هەرێمی كوردستان هەیە لە ڕێگەی دەروازەكانەوە هاوردەكردنی بەرووبوومی ووڵاتی دیكە قەدەخە كردوە، ئەمەش جێگەی دەستخۆشیە و دەبێتە پاڵنەرێكی باش بۆ ئەوەی كە بەرهەمەكانییان بەئاسانی و بەشێوەیەكی باش بەرز ببێتەوە ساخبكەنەوە.
زیاتر گووتی:” قەدەخەكردنی بەروبوومی دەرەكی بەشێك لە بەروبوومەكان لە هەرێمی كوردستان ناڕوێن و بەرهەمناهێن، دەبێت بەناچاری لە دەروەی ووڵات هاوردەبكرێت وەك (مۆز، لیمۆ، پرتەقاڵ) بەشێكی دیكە، هەروەها بەهۆی زۆری گواستنەوەی كرێی بارهەڵگرەكان كە ساڵانی رابردوو خەرجی هاوردەكردنیان كەم بووە نرخیشی باش بوو، بەڵام ئێستا لە 15تا 28 وەرەقە دۆلار زیاد بووە بۆیە نرخی ئەو بەرهامانەی كە لە دەرەوە دێن بەرز دەبێتەوە.
سەباح كەریم سەرۆكی ئەنجوومەنی گومرگی لە قەزای ناوەندی سۆران، گووتیشی:” پێویستە حكومەت هاوكار و هاندەری جووتیاران بێت، هاوكاریەیی حكوومەت دەبێتە بناخەی بنیات نانی ووڵات، بۆیە گەر بۆ پیپَشخستی وڵات حكوومەت هەوڵی بۆ بدات دەبێت لە جوتیارانەوە دەست پێبكات بۆ ئەوەی ببێتە وەچەرخانێكی باش لەگرینگی بەرهەمی ناوخۆیدا، وەك وڵاتانی دراوسێ ئەركی حكوومەتە بەشێوەیەكی ڕێك و پێك دەستبكات بە دانان و دابینكردنی ساردخانە بكات و بۆیان دابنێت تا بەرهەمەكانیان بۆ وەرزەكانی دیكەش هەڵبگرن و ساخیبكەنەوە، چونكە بەربوومی ناوخۆی زۆر بەتامتر و تەندروستترە، بەرووبوومی هاوینەش لە مانگی چوار تا مانگی دە دەمێنێت، لە دوای مانگی دە زیاتر بەرووبوومی میوە لە وڵاتانی دراوسێ هاوردە دەكرێت، بەڵام بەروبوومی سەوزە لە هەرێمی كوردستان بە ڕێژەی لە %95 لە ناوخۆ دادەچێندرێت وساخدەكرێتەوە”.