نژاد گەزنەیی
گەنج بەهێزترین هێزی گۆڕینی رەوتی كۆمەڵگەو چەقبەستوو و سووتەمەنی گشت شۆرش و راپەڕین و گۆڕانكاری گەورەیە هەر بۆیە لە هەر كۆمەڵگەیەكی زیندوو ئەقڵی گەنج و رووحی نوێبوونەوەی گەنج دەرفەتی گەورەی پێ دراوە بگرە پێشەنگە، گەنج ئەكتیڤترین توێژی كۆمەڵگەیە، گەنج سیستمێكە هەمیشە رۆحی نوێبوونەوەو داهێنان و دژە ئاراستەی ئەقڵیەتی كۆن و دواكەوتووەكانە. لێرەوە هەوڵدەدەین بە قەڵەمەكەمانەوە بڕژێیینە نێو جیهانی گەنجەوە ئەگەرچی جیهانێكی ئاڵۆز و پڕ پرسیار و پڕ گۆرانكاری و پڕ نهێنیە، بەڵام بە پێی توانا ڕووی كێشەوگرفتەكان هەڵدەدەینەوە لە نزیكەوە دەیخەیننە بەردەم ئێوەی خوێنەروو بینەر.
بەهرە و توانا:
گەنجان هەمیشە خاوەنی بەهرەی خۆیانن،هەمیشە لە خەیاڵییان داهێنانێكی نوێ لە بیروو هۆشیان بەدی دەكرێ كاتێك هیچ زەمینەسازیەك نابینن بۆ دەرخستنی بەهرەكان و پەرەپێدانی ئەوا حەزو بەهرەكانی لە ناخیدا دەخنكێن وتووشی گرفتی گەورەی دەروونی دەبن هەر بۆیە دەبێت زەمینەیەك ساز بكەین بۆ ئەوەی بەهرەوتواناكیان لە ناخیانەوە بدۆزنەوە و گرنگییان پێ بدرێ.
زاڵبوونی داب و نەریت:
گەنج هەمیشە رۆحێكی یاخی هەیە لە كۆت بەند و ئەقڵیەتە كۆن و دوا كەوتووەكان كاتێك نەریتە و سیستەمە كۆنە پەسەند كراوەكان و ئاینەكان كۆت و بەندی دەكەن هەم دیسان یاخی دەبێت و دەبێتە وزەو تینی بیری نوێ كە زۆرجار كۆتوبەندەكان تێك دەشكێنن هەندێكجاریش دەبێتە قوربانی ئەو كۆتانە هەر بۆیە دەبێت هەمیشە گوێ لە گەنج بگیرێت و هەستی ئازادی بیری و كەسێتیان پێ بدەین.
دۆزینەوەی كار:
گەنج وەك هەر كەسێكی تر هەمیشە پیوستی بە هەلیكارە تا توانای خۆی بەدەر بخات و دەستكەوتێكی ئابووری دەست كەوێت تا خۆی بونی خۆی بسەلمێنێت كە ئەویش بوونی هەیە لە كۆمەڵگاو هیوایەكی هەیە بۆ داھاتوو كەچی ئەم هەلە باڵی نا ئومێدی و بێزاری و شكست نزیك دەبێتەوە لێی شوێنێك نادۆزێتەوە بۆ دروستكردنی بوونی خۆی.
داھات،سەرمایە،ئابوری:گەنج هەمیشە پێویستی زیاترە لە تاكەكانی تر بۆیە بەردەوام پێویستی بە داھاتێكی باش و بژێویەكی گونجاو هەیە بۆ ئەوەی بەتینتر بە سەر پەیژەی ئاواتەكانی سەركەوێت لە كاتی بوونی ئابووری خراپ ئەم گەنجە دەست و قاچەكانی زنجیر دەكرێن.
عەدالەت و دادپەروەری نێوان تاكەكانی كۆمەڵگە:
گەورەترین گرفتی گەنج هەستكردن بە جیاوازی لە ئەرك و مافەكانە لە كۆمەڵگاكەی ئەمەش دووبارە هەستی نا ئومێدی پێ دەبەخشێتەوە و وای لێدەكات بەرەو وڵاتانی بێگانە سەرهەڵگرێت و كۆچ بكات چونكە هەست دەكا لەوێ وەك گەنج مافەكانی بە دەست دەهێنێت و جیاوازیەك نابینێت لە ئەرك و مافەكان لە نێوان تاكەكانی كۆمەڵگای بێگانە بۆیە پێویستە حكومەت ئەم هەلە بقۆزێتەوەو سنوورێك دانێت و نە‌هێڵێت ئەم جیاوازی و نا یەكسانیە لە نێوان تاكەكاندا تاكەكاندا هەبێت.
ئەوەی تیبینی دەكرێت ئەمڕۆ لەجیهاندا وەك بەرنامەیەكی فراوان و تۆكمە كار لەسەر برەودان بەتوانای گەنج ، وەبەرهێنان لەتواناكانیاندا دەكرێت ئەگەربمانەوێت گەنج وەك كاراترین توێژی كۆمەڵگە رۆڵی خۆی بگێڕێت ئەوا پێویستە لەسەر بنەمای ستراتیژێكی تۆكمە دەسەڵاتی سیاسی كار بۆ پێشخستنی توانای گەنجان بكات.
