كەرتی گەشتوگوزار لە ئیدارەی سۆران دەچێتە قۆناغێكی پێشكەوتوو
دیدار-زارى كرمانجى
نووسەرو شارەزایی گەشتوگوزار، لە دیدارێكی زاری كرمانجی دەڵێت: ” یەكێك لە كێشەو گرفتەكانی كەرتی گەشتیاری نەبوونی توانای كادری شارەزایە لە كەرتی تایبەت و حكوومیدا، پێویستە حكوومەت گرنگی بە توانا مرۆییەكانی پێشكخستنی كەرتی گەشتوگوزاری بدات، لە ڕووی ئەكادیمی و ڕاهێنان و كردنەوەی خول و وۆرگشۆپ.
نادر ڕوستی، نووسەرو شارەزایی گەشتوگوزار، بە زاری كرمانجی ڕاگەیاند: “هەرێمی كوردستان دەوڵەمەندە بە بنەمای سروشتی و مرۆیی، بەڵام تائێستا وەك پێویست نەتوانراوە سوود لە كەرتی گەشتوگوزار وەربگیرێت، بكرێت بە سەرچاوەیەكی داهات بۆ هەرێمی كوردستان، شوێنی سروشتیمان زۆرە بۆ نموونە ناوچە شاخاوییەكان، كە هیچ كارێكی گەشتوگوزاری تیادا نەكراوە، گرنگە كاریان لەسەر بكرێت و بۆ داهاتوو سوودیان لێوەربگیرێت و رێكبخرێن، هەم بە دابینكردنی پڕۆژەی خزمەتگوزاری و وەبەرهێنانی گەشتیاری لەو ناوچانەدا، تائێستاش لە هەرێمی كوردستان نادیارە كە داهاتی گەشتیاری چەند پێكدەهێنێت، لە كۆی داهاتی هەرێم، ئەوەی كە هەیە هەندێ كاری دەستی دابین كردووە لە كەرتی تایبەت، لە شوێنە گەشتیارییەكان وەك سەیرانگەو هۆتێل و ڕیستۆرات و هاوینە هەوار و شوێنە گەشتیارییەكان، بەڵام ئەوەش وەك و پێویست نییە بەراورد بە وڵاتانی دیكە زۆرمان ماوە”.
ئەو نووسەرو شارەزایەی گەشتوگوزار پتر گووتی: “ناوچە شوێنەوارییەكان لە كوردستان بەشێكن لە سەرچاوەی مرۆیی، زۆر گرنگن بەڵام تائێستا لە هەرێمی كوردستان، هیچ شوێنەوارێكمان بە گەشتیاری نەكراوە تا سوودی لێوەربگیرێت، ئەو شوێنە گەشتیاریانەی كە هەیە، بە شێوەیەكی بێ بەرنامەیی سەردان دەكرێن، ئەمەش زیاتر زیان بە ناوچە شوێنەوارییەكان دەگەێنێت، پێویستە ئەو بابەتە هەند وەربگیرێت و شوێنەوارەكان نۆژەنبكرێنەوەو ڕێكبخرێنەوەو خزمەتگوزاری گەشتیاریان بۆ دابین بكرێت و بە گەشتیاری بكرێن، تا بە سیستەم و شێوازێكی تایبەت بە گەشتیاری نەكەین، ناتوانین سود لە ناوچە شوێنەوارییەكان وەربگرین وەك پێویست، دوای نۆژەنكردنەوەو بابەتی گەشتیاری كردن دێت، ئێمە لە هەردوو لە چ لە ناوخۆیی چ لە گەشتیاری بیانی، وەك و پێویست گەشتیارمان نییە كە سەردانی شوێنەوارەكان بكات، كەچی هەرێمی كوردستان خاوەن شارستانییەتێكی گەورەیەو زۆر دەوڵەمەندەو مێژوویەكی زۆر كۆنی هەیە، لە بواری شوێنەواری دەتوانین سوودێكی زۆری لێوەبگرین، بو مەرجی رێكبخرێنەوەو خزمەتگوزاری بۆ دابین بكرێت و خزمەتگوزاری گەشتیاری بۆ دابین بكرێت”.
لە وەڵامی ئەوە پرسیارەی ئایا گونجاوە پڕۆژەی گەشتیاری لە شوێنی شوێنەواری دروست بكرێت؟ نادر ڕوستی ئاماژەی بەوەدا: “هەرچەندە ئەو پرسیارە پێویست بوو یەكێك لە بەرپرسانی شوێنەواری وەڵام بداتەوە، بەڵام بەپێی ئەوەی كەوا من كەمێك ئەزموون و شارەزایم لەو بوارە هەیەو نزیكم لە شوێنەوارەكان، بەڵێ دەگونجێت پڕۆژەی گرنگی گەشتوگوزار لە ناوچە شوێنەوارییەكان ئەنجام بدرێت، بەڵام بەو مەرجەی هەر پڕۆژەیەك دەكرێت لە ژێر چاودێری شارەزایان و پسپۆرانی گەشتوگوزاری بێت، بە ڕەچاو كردنی یاسایی شوێنەوار، كە لە هەر پڕۆژەیەك نابێت زیان بە خودی شوێنەوارەكە بگات، بەڵكوو دەبێت پڕۆژەكە ببێتە مایەی ناساندن و پاراستنی ئەو شوێنەوارە، ئەگەر بەم شێوەیە بێت گونجاوە، واتە لە دەورووبەری شوێنەوارەكە پڕۆژەی گەشتیارییەكە جێبەجێ بكرێت، نەك لە خودی شوێنەواریەكە و زیانی پێ بگەێندرێت”.
نادر ڕوستی، نووسەرو شارەزایی گەشتوگوزار، ئەوەشی خستەڕوو: “خۆشبەختانە حكوومەتی هەرێمی كوردستان بەتایبەتی مەسرور بارزانی سەرۆكی حكوومەت، گرنگی زۆر بە گەشتوگوزار دەدات، لە بەرنامەكانی كابینەی نۆیەم و كابینەی داهاتووش گەشتوگوزار بایەخ و تایبەتمەندی دەبێت، سەرۆكی حكوومەت هەر لەسەرەتاوە لەگەڵ وەزارەتی شارەوانی و دەستەی گەشتوگوزار كۆبوونەوەی ئەنجامدا، كە سێكتەری گەشتوگوزار گرنگەو دەبێت زیاتر بایەخی پێبدرێت، وەك ستراتیجییەتی سەرۆكی حكوومەت هیچ گلەیی نییە، ڕەنگە لە ئایندەییەكی نزیكدا ستراتیجیەتی سەرۆكی حكوومەت بەدەر بكەوێت لەسەر زۆر ناوچە، هەروەك بەدەركەوت لەسەر زاخۆ كە چووتە قۆناغێكی زۆر پێشكەوتوو لە ڕووی گەشتیاری، لە دەڤەری سۆرانیش لە ئایندەیەكی نزیكدا دەچێتە قۆناغێكی پێشكەوتوو، چونكە پلانێكی توكمە هەیە بۆ ئیدارەی سۆران، كەرتی گەشتیاری بە شێوازێكی سەردەمیانە گەشەی پێبدەن”.
دەشڵێت: ” ئەوەی بەدی دەكرێت لە خواروو وەك پێویست نەتوانراوە سوود لە سێكتەری گەشتوگوزار وەربگرن، كەواتە یەكێك لە كێشەو گرفتە هەرە گەورەكانی كەرتی گەشتیاری نەبوونی توانای كادری شارەزایە لە كەرتی تایبەت و حكوومیدا، ئەوەش یەكێكە لە كێشە سەرەكییەكان، بۆیە پێویستە حكوومەت گرنگی بە توانا مرۆییەكانی پێشكخستنی كەرتی گەشتوگوزاری بدات، بەردەوام لە ڕووی ئەكادیمی و ڕاهێنان و كردنەوەی خول و وۆرگشۆپ بایەخی پێبدات، تا شارەزایی زیاتر پەیدا ببێت، چونكە ئەوەی من بیزانم كادران و فەرمانبەرانی كەرتی گەشتیاری كەمتر شارەزای گەشتوگوزاری وڵاتنن كە لە چ پێشكەوتنێك دایە.
