بەیانی ئەمڕۆ سێشەممە نرخی نەوت لە سەرەتای ئاڵوگۆڕی بازرگانی ئاسیادا بە هەردوو جۆرەکەیەوە سەرلەنوێ بەرزبوونەوەی تۆمارکرد، ئەمەش دوای ئەوەی لە چەند ڕۆژی ڕابردوودا نزمترین ئاستی لە ماوەی چوار ساڵدا تۆمارکرد.
لە ئێستادا نرخی بەرمیلێک نەوتی خاوی ڕۆژئاوای تەکساسی ئەمریکا گەیشتە ٥٧ دۆلار و ٩٧ سەنت، لە کاتی داخستنی بازاڕدا بە ٥٧ دۆلار و ١٣ سەنت بوو.
هاوکات نرخی بەرمیلێک نەوتی خاوی برێنت گەیشتە ٦١ دۆلار و ١٨ سەنت، لە کاتی داخستنی بازاڕدا بە ٦٠ دۆلار و ٢٣ سەنت بوو.
بەرزبوونەوەی نرخی نەوت بەهۆی بڕیارەکەی ئۆپێک بۆ خێراکردنی زیادکردنی بەرهەمهێنان بوو، ئەمەش نیگەرانییەکانی زیادبوونی دابینکردنی بەرهەمەکانی بەرزکردەوە لە کاتێکدا کە باجەکانی ئەمریکا نیگەرانییەکانی لەبارەی خواستەوە بەرزکردۆتەوە.
