پشتیوان كەریم – زاری كرمانجی :
نەوت فرۆشێكی قەزای ناوەندی سۆران، لە بارەی دابەزینی نرخی نەوت بۆ زاری كرمانجی دەڵێت:” ئەمڕۆ نرخی نەوتی سپی ماڵان بەراورد بە دوێنێ دابەزیووە”،
مەغدید ئۆمەراوەی ئەوەشی خستە ڕوو:” لە ئێستادا نرخی یەك بەرمیل نەوتی بێجی عێراقی لە 265 هەزار دابەزیوە بۆ 255 هەزار دینار، هاوكات نرخی یەك لیتر نەوتیش بە 1125 دینار دەفڕۆشرێت”.
ئاشكراشی كرد:” دابەشكردنی بەشە نەوتی هاووڵاتییان، كاریگەری راستەوخۆی هەبوو لەسەر دابەزینی نرخی نەوت لە بازاڕدا و پێشبینی دەكرێت دابەزینەكە بەردەوام بێت، هاوكات لە سەرەتای مانگی داهاتووش ئەگەری هەیە نەوتی سپی لە عێراق هاوردەی هەرێم بكرێت، ئەمەش دووبارە هۆكارێك دەبێت بۆ ئەوەی نرخی نەوت روو لە دابەزین بكات”.
