زاری كرمانجی-مێرگەسۆر
بەشی لێكۆڵینەوە ستراتیجییە مێژوویی و شوێنەواری و كولتوورییەكانی زانكۆی سۆران، بەمەبەستی ئاشناكردنی قوتابیان بە شارستانییەت، مێژووی كۆنی كوردستان و ناوچە شوێنەوارییەكان، مامۆستایانی بەشی مێژوویی زانكۆی سۆران، گەشتێكی زانستیان بۆ قۆتابیان بۆ ئەشكەوتی شاندەر ئەنجامدا.
لەمبارەیەوە د. ڕێباز دلاوەر دەربەندی سەرۆكی بەشی لێكۆڵینەوە ستراتیجییە مێژوویی و شوێنەواری و كولتوورییەكانی زانكۆی سۆران، بەزاری كرمانجی گووت: “وەك بەشی لێكۆڵینەوەو ستراتیجییە مێژوویی و شوێنەواری و كەلتوورییەكانی زانكۆی سۆران، لە چوارچێوەی بابەتەكانی دەروازەیەك بۆ زانستە شوێنەوارییەكان و شارستانییەتی كۆنی كورد، بەسەرپەرشتی مامۆستایانی زانكۆ (د.عومەر ئەحمەد و م. سەلاحەدین باقی و م. عومەر مستەفا و م. فارس عومەر) گەشتێكی زانستی بۆ قوتابیانی قۆناغی یەكەمی بەیانیان و ئێوارانی بەشی مێژووی زانكۆی سۆران، بۆ ئەشكەوتی شانەدەر ئەنجامدرا”.
گووتیشی: ” مەبەست لەم گەشتە ئاشناكردنی قوتابیان بوو بە شارستانییەت و مێژووی كۆنی كوردستان و ناوچە شوێنەوارییەكان، لە چوارچێوەی گەشتەكەدا سێ سیمینار لەلایەن هەریەكە لە قوتابیان سەبری ماهر و ئیبراهیم حەسەن و ئیلاف ئیبراهیم، دەربارەی مێژووی هەڵكۆڵینە شوێنەوارییەكان و بایەخی ئەشكەوتەكە لەڕووی ناسنامەی نەتەوەیی و گەشتیاریەوە پێشكەش كران، دواتر لەلایەن م. سەلاحەدین باقی، تیشك خرایە سەر گۆڕانكاریە بنچینەییە گرنگەكانی ژیانی مرۆڤی كۆن بەدرێژایی چاخە بەردینییەكان”.
هەروەها د.عومەر ئەحمەد و م.عومەر مستەفا، لە چەند بە بابەتێكیاندا تیشكیان خستەسەر گرنگی شوێنەوار و شارستانییەتی كۆنی كورد، قوتابیانیش بەچەندین پرسیار و خستنەڕووی زانیاری زیاتر كەشی گفتوگۆكانیان زانستی تر كرد، هەروەها باسیان لە گرنگی ئەو جۆرە گەشتییە زانستیانە كرد، بۆ ئاشناكردنی قوتابیان بە مێژوو شوێنەواری وڵاتەكەمان، لەكۆتایشدا گفتوگۆو پرسیار لەلایەن قوتابیانی بەشدار بوو خرایە ڕوو.
