مووسا خالد / دهوك
چ سیاسەت ل سەر رویێ ڤی عەردی، نە د نوكە دا و و نە د رابردووویی دا سیاسەتا ئیسلامێ نەبوویە و نابیت، بتنێ یا رون ئاشكەرا ئیسلام دینێ خودێ یە و سیاسەتكرن و رێڤەبڕن شولێ مروڤایە، هەر چەند ئەڤ سیاسەتە یا باش بیت، ل هەر جهەكێ هەبیت یا بێ كێماسی نابیت. دیسان ئەوێن سیاسەتێ دكن رەنگە تاكێ موسلمانە نەكو ” ئیسلامە “، سەرەراری ڤان شەرۆ ئالوزیێن زوریا وەلاتان ئەم دبینن بەشەكێ زور وەلاتێن عەرەب قورئانا پیرۆز كریە وەكۆ بنەما و دەستورێ خۆ یێ رێڤەبرنێ وەكۆ ئەرك و ماف و پەیرەوكرنا سیستەمێ یەكسانیا دادپەروەرانە، لێ بیرامەبت دەمێ دەركەتنا گرۆپێن توندەرو نموونە وەكۆ تیرورستێن داعش ئیسلام كرە دروشمەكێ سیاسی و خۆ پێ بهێزدكر و مرۆڤاتی د خاپاند.
دەربارەی ئیسلاما سیاسی و ئیسلاما روحی هندك بوچونێن جوودا جوودا دناڤبەرا عالم و زانایێن ئیسلامێ دا هەنە ، “جمال الدین الافغانی ” و ” مەحەمەد عبدەی ” و شاكردێن سیاسەتی و دینی ژێك جوودا دكەن ئانكو چو تێكەلیا وان ب ئێكودوڤە نینە و سیاسەت یا بێ دینە و دین ژی بێ سیاسەتە ، هەر تشتێ تێكەلیا سیاسەتێ بو ئەو تشت دی یێ پیس و گەندەل بیت و بكێری دینی ناهێت.
ل گورەی باوەریا زوربەیا زانایان ئاین عەدالەتە و دوویرە ژ سیاسەتێ.” زانایێ ناڤدارێ ئیسلامێ شێخ مجمد عبدە هندەك تشتێن خراب و نەدادوەری، حیلە ، درەو ، و خاپاندن ، هتد.. ژ سیاسەتێ دیتینە ، و هەتا هەر تشتەكێ دی پەیوەندی ب سیاسەتێ ڤە هەی یان خوو نێزیكی وێ ژی بیت ئەو ب دژواری نەفرەت دكەت، چونكە سیاسەت نا گونجیت دگەل چ رێ و رێبازێن ئاینی سوسیولوژی زانایێ ئەمریكی یێ ناڤدار ” رایت میلز ” دبێژیت ( سیاسەت شەرەكێ بەردەوامە دناڤبەرا دەستەلاتێ و بەرژەوەندیێ دا، ئانكو سیاسەت ئالاڤێ گڤاشتنێ یە بو بدەست ڤە ئینانا بەرژەوەندیێن دونیایێ ، چ پەیوەندیا دینی ب سیاسەتێ ڤە نینە. سیاسەت یا دادپەروەر نینە چۆنكی دشێت هەموو تشتان قوربانی بەرژەوەندیان بكەت.
ل دوماهیكێ دڤێت بزانین كو ئیسلام بتنێ چارچوڤەكێ ئەخلاقیە و هندەك بنەماین گشتی بۆ سیاسەتێ یێت داناین، بەلێ هونەرێ سیاسەت و رێڤەبرنێ و بەرف پێشڤەبرنا كومەڵگەهێ كارێ مروڤانە، كو ب شارەزای و ئاقل و زانستێ خو بگەهنێ پەیوەندی ب ئاین و دینێن جوداڤە نینە. یا دروست ئەوە خەلكێ هەرێما كوردستانێ و خەلكێ مە یێ خوشتڤی دگەل مالا بارزان و پارتی ئێكرێز بن داكۆ بهێزبن و كەرامەت و شەرەفا مە هەموویان یا پاراستی بیت. چەند پارتی دیمكراتی كوردستان ب هێزبیت دێ هەرێما كوردستانێ یا ب هێز و پاراستی تر بیت.
ژێدەر : بەشەك ژ نموونەیان ڤەگۆهاستیە : ژ پەرتوكا ئیسلاما سیاسی
