مامۆستا سەگڤان عەبدوالخالق عومەر
جهێ ژیانا زیندەوەرانە (مرۆڤ ، ڕووەک ، گیانەوەر ) دگەل تشتێن نەزیندیێن دەوروبەران .
ژینگەھ پارێز ئەو کەسن یێن ڤیان بۆ ژینگەھێ ھەی و پێکوڵا پاراستنا ژینگەھێ و زێدەتر بەرەف پێشبرنا ژینگەھا وەڵاتێ خۆ ددەن، ئەڤجا چ ب رێکا بەڵافکرنا رێنمایێن تایبەت ب پاراستنا ژینگەھێ یان ھشیارکرنا ھەڤوەڵاتیان یان ھەلاویستنا پوستەران ل جھێن گەشتیاری و ڤەکرنا خولێن تایبەت ب ھشیارکرنا پاراستنا ژینگەھێ و چاندنا زێدەتر داروباران و چاڤدێری کرنا وان. پێدڤییە کی ژینگەھێ بپارێزیت؟ ل سەر ھەمی تاکێن جیھانێ پێدڤییە ژینگەھێ بپارێزن چونکی پیسبوونا ژینگەھێ دبیتە ئەگەرێ چەندین نەخۆشیان. هەرژبەرڤێ چەندێ
ڕۆژا ٣/٣١ ی هەمی ساڵان ڕۆژا (ژینگەها پەروەردەییە ) وچاڵاکیێن ژینگەهێ تێدا دهێنە ئانجام دان وهەروەسا پەرلەمانێ کوردستانێ رێکەفتی ٤/١٦ هەمی ساڵان بـ ڕۆژا ژینگەهێ دەستنیشانکریە
گرنگی وچەوانیا پاراستنا ژینگەهێ
. پاراستنا پاقژیێ
. پاراستنا ئاڤێ ژهەدەرنەدانێ
. پاراستنا وزەیا کارەبێ
. خۆپاراستن ژ ئاگری
. پاراستنا ئاخێ
. پاراستنا ڕووەکی
گرنگیا ژینگەهێ:
. ژینگەھ جهێ ژیانا مە یە
. سەرچاوێ خوارنێ و ئاڤێ یە
. هەوایێ پاقژ ددەتە مە بۆ هەناسێ
. جوانیا سروشتی ددەتە مە
. دروستکرنا کارگەھا(ریسایکلین) پێدڤیە ھەمی وان کەرەستێن کو بۆ ئێکجار دھێنە بکارئینان و ژناڤ ناچن و دبنە ئەگەرێ پیسبوونا ژینگەھێ، کارگەھا(ریسایکلین) بۆ دروستبکەن و دوبارە بھێنە بکارئینان.
ئەگەرێن پیسبوونا ژینگەهێ
. هاڤێتنا گلێشی وبەرمایکان بۆ ناڤ ژینگەهێ ،
بونمونە نایلون و بتلێن شیشە ل زۆر وەڵاتێن جیھانێ کومەکا کەرەستەیان رێک پێ ناھێتەدان بھێنە بکارئینان، ئەگەرێ سەرەکیێ پیسبوونا ژینگەھێ نایلون و بتلێن شیشەنە! کو بتنێ ئێکجار دھێنە بکارئینان و ھاڤێتن، ئەڤ کەرەستەیەبـ ھزارەھا ساڵان د کەش و ھەوای دا دمینن و ژناڤناچن.
. زێدە مەزاختنا وزەیا کارەبێ
. زێدە مەزاختنا ئـاڤـێ
. دەنگ بلندکرن و (ژاوەژاو)
. دویکێلاکارگەهان وتڕۆمبێلان
. بڕین وسووتنا دارو درە ختان
. کێمکرنا بکارئینانا پلاستیکی
. دووبارە بکارئینان و ڤەگەڕاندنا کەرەستەیان
. چاندنا داران
. کێمکرنا بکارئینانا سووتەمەنیێن فۆسیلی
. بکارئینانا ئامیرێن هێزا خۆرێ
ئەنجام:
ژینگەھ مالا مە یا هەڤپشکە و پاراستنا وێ ئەرکێ هەر کەسەکی یە. ب کارێن بچویک، ئەم دشێین گوهۆڕینەکا مەزن چێکەین و ژینگەهەکا پاقژتر و ساختر بۆ نفشێن داهاتی بهێلین.
