فریاد ئیروانی
هاوكاری و هاوسۆزی یەكێكە لە گرنگترین ڕەفتار و كردارە جوان و بەخشندەكان بۆ پرسە مرۆییەكان، هاوسۆزی تێگەیشتن ئاگاداربوونە لە هەست و سۆزەكانی كەسانی دیكە، واتا بەبێ ئەوەی كەسەكان شتێك بڵێن، بتوانێت لەوە تێبگەیت كە هەستی پێ دەكات.
هاوسۆزی واتە من بەتەواوی هەست بە تۆ دەكەم ئەم هاوسۆزییە كاریگەرە لە پەیوەندی و گفتوگۆ لەگەڵ كەسەكاندا، مامۆستاكان و ڕاوێژكارەكان بەكاری دەهێنن. بەم جۆرە دەتوانیت خۆت بخەیتە جێگای كەسەكان بەزۆری لە پەیوەندی لەگەڵ ئازیزان و نزیكەكان بەكاردێت و لەبەرئەوە ڕێ كە لۆژیگ دەگرێت. هاوسۆزی سۆزداری واتە بەتەواوی لە هەستەكانی كەسی بەرانبەر تێبگەیت وەكو ئەوەی خۆت ئەو هەستانەت تاقی بكەیتەوە دەبێتە هۆی ئەوەی بتوانیت لە هەستەكانی كەسانی دیكە تێبگەیت و لەكاتی ناخۆشی و بێتاقەتی هاوسۆزی هاوڕێكانت و كەسەكانت بیت، لە هەندێك كارەسات و ڕووداوی سرووشتیدا ئەم جۆرە هاوسۆزی بۆ وەڵامدانەوەی دروست بە هاوخەمی و هاناوەهاتن هەستكردنە بە كێشە و ئازاری ئەوانی تر و هەنگاونان بۆ چارەسەركردنی، ئەم هاوسۆزییە واتە من یارمەتی تۆ دەدەم، چونكە پێویستت بە یارمەتییە، ئەو كەسانەی كە ئەم هاوسۆزییە بەكاردەهێنن هەمیشە دەستپێشخەرن بۆ یارمەتیدانی كەسانی تر. هەست، كردەوە و هۆش خاڵی سەرەكی ئەم هاوسۆزییەن، بە واتایەكی تر لە هاوسۆزی دڵسۆزانەدا دەوترێت، ئەو كەسەی كە دەردەدڵ لەگەڵ تۆ دەكات، تەنیا پێویستی بە تێگەیشتن نییە، هەروەها پێویستی بە گریان و خەمباربوونی تۆ نییە، ئەم كەسە لەڕووی سۆزدارییەوە پێویستی بە گرنگی پێدانە و پێویستی بە هەنگاوێكە بۆ چارەسەركردنی كێشەكەی.
نموونەی هەرە زیندووی هاوسۆزی كەلێرەدا كە هەڵوەستەی لەسەر بكەم، ڕووداوێكی سروشتی خنكان لە چەند رۆژی ڕابردووی دەڤەری بارزانە، مامۆستا ئاڤێستا لەگەڵ كەس و كاری بۆ گەشت و گوزار، سەردانی ناوچەكەی كردبوو، بۆ ڕزگاركردنی براكەی، كەوتە نێو ڕووبار، ئەو ساتەی ڕووداوەكە ڕوویداوە لە ڕووباری تەنگاتۆرێی دەڤەری بارزان، دوای زیاتر لە هەفتەیەك لە خنكان و ونبوونی تەرمی مامۆستا ئاڤێستا لەو ڕووبارە، سەرەرای سەختی ناوچەكە و باران بارین، گەران و بەدواداچوون بەردەوامە بۆ دۆزینەوەی، ناوچەكە بەگشت چین و تۆێژەكانەوە بەگیانی هاوكاری و هاوسۆزی بۆ ڕووداوەكە لەگەڵ كەس و كاری قوربانییەكە هەموومانی خەمبار و نیگەران كرد، هەموو لایەكی هەژاند و بەوهۆیەوە هەزاران كەس لە چین و توێژەكانی خەڵكی كوردستان و دەڤەری بارزان بە تایبەتی باوەشی هاوخەمی و هاوسۆزی خۆیان دەربڕی، كە شوێنی ڕووداوەكە ڕووبارێكی ناوچەكە ڕوویدابوو، بە دەربڕینی هەستێكی پڕ لە داب و نەریتكی جوانی مرۆڤانە، خۆرسكانە لەم نێوەندەدا خەڵكی بە گشت چین و توێژەكانی كوردستان و حكوومەتی هەرێمی كوردستان و بە دەنگ پەیامی سەرۆك بارزانی هاتن، كە بە مەبەستی بەهاناوچوون و هاوسۆزی بۆ ئەو خێزانە هەموویەكی ڕاسپارد ڕێزدار مەلا مستەفا بارزانی (شێخ بابۆ) خۆی لە كەشێكی باران و تەرزەدا دەچێتە لای كەسوكاری قوربانییەكە لەسەر ئەو زێیە و هاوخەمیی بۆ بنەماڵەی قوربانییەكە دەردەبڕێ و هەموو ڕێوشوێنێكیش بۆ چڕكردنەوەی هەوڵەكانی دۆزینەوەی قوربانیەكە دەخاتە گەر.
خەڵكی دەڤەری بارزان درێژكراوەی ئەو پەروەردە و ئادابە بەرزەن كە سەدان ساڵە پەیرەو دەكرێت، سات بە سات پشت و پەناو هاوخەم و هاوسۆزی ئەم خێزانە و كەس و كاری قوربانیەكە بوون، نموونەی هەرە بەرز و جوانی هاوسۆزین، كە هەمیشە لە كاتی تەنگانەدا لەگەڵ ناخۆشییەكاندا بەشێكی دانەبراون، بەگیانی هاوكاری و هاوسۆزی بۆ ڕووداوەكە لەگەڵ كەس و كاری قوربانیەكەدانە و بە تەنیا جێ نەهێشتوون.
