رێبوار حەمەلاو شوانی
ڕێكخراوه تیرۆریستهكان ههمیشه بهدوای دهرفهتێكدا دهگهڕێن كه له كهشه ناسهقامگیر و له نێو ئاڵۆزییهكانی ناوچهیی و نێودهوڵهتیی كاری تیرۆر و تێكدهرانه به بیره تاریك و نامرۆڤانهكانیان به كۆمهڵگهی مرۆڤایهتی و گهلانی ناوچهكه بگهێنن ، بهتایبهت بۆ ئێمهی گهلی كورد كه كهوتووینهته ناوچهیهكی ههستیار و پڕ ململانێیهوه كه خاوهن دۆزێكی ڕهوایین ههمیشه له نێو سێره تیرۆریستان و ناحهزانی كوردستانین ، چونكه ئهم نیشتیمان و گهلهی كه ناوی كوردوكوردستانه ههمیشه لانكهی پێكهوهژیانی ئاشتیانه و یهكتر قبووڵكردن بووه و ههرگیز ڕێگهنهدراوه كه بیری توندرۆیی شوێنی تێیدا ببێتهوه .
دوای ئهوهی ڕێكخراوی تیرۆریستی داعش له ساڵی 2014 ڕووبهڕێكی زۆر له خاكی سووریا و عێراقی داگیركردبوو و ئینجا دوای ئهوهی هێزی پێشمهرگهی كوردستان توانی ههموو ئهو ڕووبهڕه خاكه داگیركراو و كۆنتڕڵكراوه له چهنگی ڕهشی تیرۆیستان رزگار بكات و كۆتایی به كۆمهڵكوژییهكان له سهر هاووڵاتیانی ناوچهكه و بهتایبهتی مهترسی له سهر نهتهوهیی كورد له سهر ههر چوار پارچهی كوردستان كهم بكاتهوه و ههیبهتی ئهو ڕێكخراوه تیرۆریسته بشكێنێت ، بهڵام ههر وهك چهندین جارێك جهنابی سهرۆك مسعود بارزانی ، هۆشداری له هێشتا مانهوهی مهترسی داعش به عێراق و وڵاتانی ناوچهكه دا داوه بهوهی هێشتا ئهو ڕێكخراوه تیرۆریستیه مهترسی گهورهیه بۆ سهر ئاسایشی ناوچهكه و خهڵكهكهی ، بۆ گهلی كوردیش ههر له باشووری كوردستانهوه تا رۆژئاوای كوردستان و ئینجا ناوچهكه كوردستانییه داگیركراوهكان ههر له شهنگالهوه تا كهركووك ، كه ناكرێت پاشگوێ بخرێن و نادیده بگرێت ، چونكه تا ئێستا شانه نووستووهكان و ئهو ڕێكخراوه تیرۆریسته ههموو كات چاوهروانی دهرفهتێكن بۆ ئهوه كردهوهی تیرۆریستی و كاری تێكدهرانه بكهن ، وهك ئهوهی دوێنی له ئاههنگی سهری ساڵی ئاكیتۆی ئاشوورییهكان له پارێزگای دهۆك روویدا .
ئهو كردهوه تیرۆریستیه و ئهوانهی پێشتریش له ماوهی رابردوو له عێراق و سووریا روویاندا ، دهخوازێت ههنگاوهكان له بواری ههماههنگی ههواڵگریی و ئاسایشی ههرێمی و نێوده،ڵهتی بۆ ڕێگریكردن له بههێزبوون و گهڕانهوهی ئهو ڕێكخراوه تیرۆریستیه چڕ تر بكڕێنهوه و نادیده و پهراوێز نهخرێن .
چونكه ئهوهی كه ههستی پێدهكرێت ، ئهو ڕێكخراوه تیرۆریستیه و گروپ و میلیشیاكانی تریش ههمیشه رهوشی ئاڵۆزی ناوچهكه دهقۆزنهوه تاكو سنووری كردهوه تیرۆریستیهكانیان بهرفراوان بكهن بهتایبهتی پاش رووخانی ڕژێمهكهی بهشار ئهسهد ئێستا توانیویانه له رووی چهك و جبهخانهوه خۆیان پڕچهك و تهقهمهنی بكهن كه ئهوهش خۆی لهخۆیدا مهترسی گهورهیه بۆ سهر ئاسایشی ناوچهكه و ههموو جیهان هۆشدارییهكانی سهركردایهتیی سیاسی ههرێمی كوردستان و بهرپرسانی رۆژئاڤای كوردستان لهماوهی رابردوو ههند وهرنهگیراون كه ئهگهر ڕێگری نهكرێت هیچ دوور نییه ئهو رێكخراوه تیرۆریسته كار بۆ ئهوه بكات تا سیناریۆیهك هاوشێوهی ئهوه كه له ساڵی 2014 روویدا و زیانی گهورهی بهههموو ناوچهكهو مرۆڤایهتی لێكهوتهوه ، ههروهها تا ڕێگه نهدرێت كه زیانی به كورد و ئهزموونهكهی بگهێنڕێت .
داعش و گروپ و میلیشیكانی تر رهوشی ناسهقامگیر و نا ئهمنی ناوچهكهیان به دهرفهت زانیووه بۆ ئهوهی داعش و هاوبیرهكانیان رهنگه پشتیوانی دهرهكیشی لهگهڵدا بێت بۆ ئهوهی كردهوه تێكدهران و تیرۆریستیهكانیان بهتایبهت دژی كوردوكوردستان ئهنجام بدهن ،چونكه بارودۆخهكهش بۆ رێكخراوه تیرۆریستیهكان وههندێك وڵات كه سوود له ناسهقامگیری و ئاژاوهی ناوچهكه دهبینن بۆ ئهوهی زیان به كوردوكوردستان و دهستكهوتهكانی بگهێنن.
بهڵام دهبێ دوژمنان وتیرۆریستهكانیان ئهو راستییه بزانن كه پێشمهرگه و شهڕڤانان له سهر ئاستی باشوور و رۆژئاڤای كوردستان ههموو كاتێك هوشیارن و له رابردوو هۆكاری سهرهكیی بوون بۆ تێكشكاندنی ئهو ڕێكخراوه تیرۆریستیانه و گروپ ومیلیشیاكانی تر به پشتیوانی چهك و لۆجستی هاوپهیمانی نێوده،ڵهتیی ، گرنگه به پلانی ستراتیژی و ورد ڕووبهڕووی ئهو ڕێكخراوه تیرۆریستیه و ڕهنگه گروپی میلیشیایی دیكهش ههبن كه هێرش و كردهوهی تیرۆریستی دژی كوردوكوردستان ئهنجام بدهن ببنهوه ، چونكه ئهوانه ههر خۆیان بهتهنها نین له پیلانگێری دژی كوردوكوردستان ، گرنگه كوردیش یهك دهنگ و یهكریز بێت له ئامادهكاری بۆ ڕووبهڕووبوونهوهیان ، گرنگه ئهم قۆناغهش به تهبایی ڕووبهڕووی ههر دوژمنێك ببینهوهكه خهونی تێكدان و داگیركردنی كوردستان ببنێت و خهڵكهكهی جارێكی تر ژێرد هست بكات ، چونكه ئهم خاك و نیشتیمان وپێكهوهژیانه به خوێن و گیان ئازادكراوه و پارێزگاریشی لێدهكرێت .
