مستەفا بارزانی کارێزما و خوڵقێنەری مێژوویی پرسەروەری نەتەوەیەک

رێبوار حەمەلاو شوانی

ئەمساڵ 46 ساڵ بە سەر کۆچی دوایی مستەفا بارزانی ،رابەری ڕۆحی و کارێزمایی کوردوکوردستان گوزەر دەکات ، خەباتی بێ وچان و پڕسەختی و خۆڕاگری بارزانی تەنها بۆ بەشێکی کوردستان نەبوو ، بەڵکو لە پێناو ئازادی و سەربەستی و چەسپاندنی مافی زەوتکراویی هەر چوار پارچەی کوردستان بوو .

بەهەڵوەستەکردن لە سەر رابەرایەتی و کەسایەتی کارێزمای مستەفا بازرانی ، دەبینن کە بیروباوەرێکی پتەو بە دۆزی رەوای گەل و نیشتیمانەکەی توانایەکی بەهێز لە رووی سیاسی و ئیداری و کۆمەڵایەتی و دروستکردنی بیروباوەری کوردپەوەری و نیشتیمانپەوەری ، توانی نەک تەنها کورد لە ژێڕ یەک ڕەشماڵدا ، بەڵکو هەموو پێکهاتە و ئایین و ئایینزاکان کۆ بکاتەوە .

مستەفا بارزانی ، رابەری بزاڤی رزگاریخوازی گەلی کوردستان ، بیروباوەری کوردانە و نیشتیمانپەوەرانە کە سەرچاوەکەی ڕێبازی بارزانییە ، توانی لە ماوەیەکی کورتدا ، شوێنی خۆی لە ناو هەست و بیروباوری گەلی کورد جێی بکاتەوە ، بەشێوەیەک کورد لە سەر ئاستی هەر چوار پارچەی کوردستان روویان لەو قوتابخانە وڕێبازە پیرۆزە دەکرد، هەر ئەوەش بوو وایکرد کە دوژمنان و نەیارانی کوردستان سەرەڕای پیلانگێری و گەلەکۆمەکییە قورسەکان بەرامبەر بە کوردوکوردستان بە رابەرایەتی بارزانی ، خەونەکانیان شکست خواردوو بێت .

مستەفا بارزانی، کەسایەتی وسەرکردەیەکی نەپەوەیی ونیشتیمانپەوەر بوو ، هەرگیز جیاوازی لە نێوان خۆی و پێشمەرگەکانی نەدەکرد و شان بە شانی پێشمەرگە و تێکۆشەران لە سەر سەنگەری خەباتدا تێدەکۆشا ، ئامانج و ستراتیژی سەرەکی خزمەتکردنی نەتەوە و نیشتیمانەکەی بوو .

ئەو ئامانج و ستراتیژیانەی کە مستەفا بارزانی لە ماوەی شەش دەیە خەباتی بێ وچانی بۆ ئەنجامدا کە لەم چەند خاڵە ئاماژە پێدەکەین :

یەکەم ،، خەبات لە لە پێناو نەهێشتنی ستەمکاری و پاشگوێ خستنی گەلی کوردستان ، باوەری تەواوی بە دامەزراندنی حکوومەتێکی دیموکرات و هەڵبژاردن و وەک مافێکی سروشتی بۆ گەلەکەی .

دووەم ،،خەباتی شۆڕشگێری و چەکداری مستەفا بارزانی ، تەنها لە پێناو خزمەتی دۆزی رەوای کورد بوو لە سەر ئاستی هەر چوارپارچەی کوردستان ،لە ژێر هیچ فشارێکی نێودەوڵەتی سەری بۆ هیچ دوژمن و داگیرکەرێک نەچەماندووە وهەمیشە لە پێناو سەربەستی کوردکوردستان ئامانج هەر باج و قوربانیدانێک و گیانفیداییەک بووە .

سێیەم ،، مێژووی خەباتی نەتەوەیی کورد وکوردستان بە بێ ئاماژە دان بە بارزان و ڕێبازی بارزانی و خەباتی مستەفا بارزانی ، مێژووییەکی ناتەواو بوو ، چونکە سەرچاوەی کوردایەتی و ئاڵاهەڵگری براڤی ڕزگاریخوازی کورد بووە .

چوارەم،، ستراتیژ و دروشمی خەباتی مستەفا بارزانی ، رژدبووە لە سەر بەدەستهێنانی مافەرەواکانی گەلی کورد بەڕێگەی ئاشتی و دیموکراسی و هەمیشە بەکلیلی چارەسەری زانیووە ، هەر ئەوەش بوو کە وایکرد بۆ یەکەمینجار عێراق ناچار بکات ، دان بە مافی کورد و ئۆتۆنۆمی مسۆگەر بکات ، بەغدا ناچار بکات ڕێز لە مافی گەلی کورد و گشت پێکهاتە نەتەوەیی وئایینزاکانی بگرێت .

پێنجەم ،،مستەفا بارزانی ، هیوای نەتەوە و نیشتیمان و جوگرافیاییەک بوو کە دوور لە ویستی خۆی دابەش و دەوڵاتانی دیکەوە لێکنرابوو ، هەر ئەوەش بوو شۆڕشی بەرپاکرد بۆ گەڕاندنەوەی مافەزەوتکراوەکان و لە پێناو بەرژوەندییە باڵاکانی گەل ونیشتیمان .

بۆیە، مستەفا بارزانی، خاوەن کەسایەتییەکی بەهێز و کارێزما بوو ، ڕێزی تەواوی لە هەموو پێکهاتە و ئاینن و ئایینزاکان دەگرت و تەبایی و خۆشەویستی لە نێوانیان دروست دەکرد ،ئەویش لە پێناو ئایندەی دۆزی رەوای کوردوکوردستان ، بارزانی، تەنها سەرکردەیەکی شۆڕشگیر نەبوو ، بەڵکو بە دروستکردنی مێژوویی پڕ لە سەروەری و خەسڵەتی مرۆڤایەتی جوان و پەروەردە ، توانی شکۆی کوردوکوردستان بەرز ڕاگرت .، پێوستە لە سەر ئێمەی کورد، هەمیشە پابەندی ئەم ڕێبازە پیرۆزە بین ، چونکە خەباتی بارزانیی لە پێناو بەدیهێنانی مافەکانی گەلی کورد بوو، ئەو دەستکەوتانەی کە بەدی هاتوون ، بەرهەمی خەباتی بارزانیی و زیاتر لە نیو سەدە کۆڵنەدان و قوربانیدانە.