مستەفا دۆلەمەری- زاری کرمانجی :
بەڕێوەبەری کۆمپانیای خۆراکی لە ئیدارەی سۆران بە زاری کرمانجی ڕاگەیاند:” ئەمڕۆ سەبەتەی خۆراکی مانگی 10 دابەش دەکرێت کە پێکهاتووە لە یەک کیلۆ شەکر، سێ کیلۆ برنج، نۆ کیلۆ ئارد، یەک کیلۆ زەیت، هەروەها پێنجسەد گرام دۆشاوی تەماتە،”
حوسێن محەممەد، بەڕێوەبەری کۆمپانیای خۆراکی لە ئیدارەی سۆران ئەوەش دەڵێت:” تا ساڵی 2019 هەر کەسە و دوو کیلۆ شەکری پێ دەدرا، بەڵام ئێستا کەمکراوەتەوە بۆ یەک کیلۆ.”
بەگشتی هەشتا و چوار هەزار و پێنجسەد خێزان لە سنووری ئیدارەی سۆران بوونی هەیە کە دابەشی سەر چوارسەد و شەست و حەوت بریکاری خۆراک بوونە .
