رێبوار حەمەلاو شوانی
تادێت رووداو وپێشهاتەکاتەکانی ناوچەکە دەچنە قۆناغێکی خێرا و نوێیەوە ، گۆرانکارییەکان و هاوکێشەکان لە ڕووی سەربازی و سیاسی بە خێرایی روودەدەن ، هەموو ئەمانە ئاماژەن بەوەی کە رۆژهەڵاتێکی ناوەڕاست بە نەخشەیەکی نوێی لە دایک دەبێت . ئەم گۆرانکارییە خێرایانە وایکردووە کە کاریگەری لە سەر هەژموونی زۆرێک لە وڵاتانی ناوچەکە لە رووی هێزەوە دابنێت ، بەشێوەیەک ئەگەر دوێنی ئێران بە هەموونی هیلالی شیعیەوە لە ناوچەکە حکوومڕانی دەکرد ، ئەوەتا ئێستا رۆژ بە رۆژ لەپاشەکشێ بەردەوام دایە ، بۆ نێو سنوورەکانی خۆی ، بە پێچەوانەوە ئەوانەی کە هەژموونێکی بەهێزیان نەبوو ، ئەوەتا ئەمڕۆ لە نێو گۆڕەپانەکەدا لە ناو نەخشە نوێیەکەی رۆژهەڵاتی ناوەڕاستدا رۆڵی کاریگەری دەبینن ، بە ئاماژەدان بە ڕووخانی رژێمەیەکەی ئەسەد و هاتنە سەر دەسەڵاتنی چەند گروپێکی چەکداری بەناوی تەحر شام ، چاوەروانییەکان و پێشبینییەکان بۆ ئەو ئاراستەیەن کە هێرش و گورزی کوشندە بە کۆتا جەبهەی بەرەی موقاوە کە لە عێراقدایە بکەوێت ، شەڕ و ئاگرەکە بچێتە ناوخۆی ئێرانەوە .
لە نێو ئەو ئاڵۆزی و ململانێیانەی ناوچەی رۆژهەڵاتی ناڤیندا ، کەسایەتییەکی کارێزما و خاوەن ئەزموون و رابەرێکی دڵسۆز بۆ نەتەوە و نیشتمانەکەی ئامادەیی هەیە کە ئەویش سەرۆک مسعود بارزانییە ، کە وەک کەسایەتییەکی بەهێز وناودار لە سەر ئاستی ناوچەکە و نێودەوڵەتیی رۆڵی گرنگ و بەرچاو دەبینێت ، هەمیشە لە رۆژگارە سەختەکندا خاوەن سەنگ و پێگەی دیار بوو ، رەمزی بەرخودان و خۆراگری بووە ، لەماوەی 33 ساڵی رابردوو ، بە رۆڵ و کاریگەری خۆی توانیوێتی گەل و نیشتیمانەکەی لە هەڕەشە و مەترسییەکان بپارێزێت لە هەمانکاتیشدا نەک تەنها لەم بەشەی کوردستان بە ڵکو داکۆکیکاری رژدی مافەکانی نەتەوەیی کورد بووە لە هەر چوار پارچەی کوردستان.
مێژوویی شەڕی درندەترین ڕێکخراویی تیرۆریستی بەناوی داعش و ئینجا بەرگریکردن لە قەوارەی هەرێمی کوردستان لە میلیشیا و چەکدارە لە یاسا دەرچووەکان بە پاڵپشتی وڵاتانی هەرێمی و ئینجا گشت هەوڵەکانی لە پیناو تەبایی نێوماڵی کوردستانی هەرچەندە ئەگەر باجەکەی قورسیش بوو بێت ، هەموو کات هەوێنی یەکریزی نەتەوەیی کورد بووە، بەتایبەتی چ وەک فریادڕەس وچ وەک پەرۆشی نەتەوەکەی بۆ رۆژئاڤا و باکووری کوردستان و دیدار وکۆبوونەوەی لەگەڵ هێزولایەنە کوردیییەکان لە رۆژئاوا و باکووری کوردستان و بەهەمان شێوە لە هەرێمی کوردستانیش بۆ پێکهێنانی حکوومەتی کوردستان ، هەموو ئەمانە ، ئاماژەن بەوەی کە بارزان و بارزانی چەندە بە دوور بینانە و ئایندەبینی و کوردپەوەری و نیشتیمانپەوەری مامەڵە دەکات بۆ ئەوەی گەلی کورد بە تەبایی و یەکریزی ڕووبەڕووی هەموو ئاستەنگ و هەڕەشە و مەترسییەکان ببێتەوە بەتایبەت لەو گۆرانکاری و پێشهاتانەی کە بەرۆکی کوردستانیان گڕتووە .
ئەو پرسیارە گرنگەی لە زهنیەتی شارەزایاندایە سەرۆك بارزانی چۆن لۆژیكی پاراستنی مافەكانی گەلی كورد و ڕاگرتنی هاوسەنگی نێوان خواست و ویستی زلهێزەكانی جیهان و هێزە ئیقلیمییەكان ڕادەگرێت، هێزگەلێك ساڵانێكی زۆرە بەئاگرو ئاسن رووبەرووی خەباتی گەلی كورد بوونەتەوە ، بۆ ئەمەش هەموو هێزو لایەنە سیاسییەكان و لە پێشەنگیانەوە گەلی كورد سوود لە تێڕوانینی قووڵ و حەكیمانەی سەرۆك بازرانی وەردەگرێت ، شەڕی 7ی ئۆكتۆبەرو دەرهاویشتەكانی لە هەرێمی كوردستان دوورخستەوە، بەشانازییەوە ئەم سەركردەیە وێڕای هەموو هێرش و پیلانەكان توانی گەلی كورد لەشەڕی براكوژی دووربخاتەوە و لە ئێستاشدا شەڕی گەڕانەوەی پێگەی گەلی كورد بەڕێوەدەبات بۆ ئەوەی چیتر وەكو هاوڵاتیی پلە دوو لەعێراقدا مامەڵەی لەگەڵ نەكرێت كە زیاتر لە 50 ماددەو بڕگەی دەستووری هەیە تایبەتە بەمافەكانی گەلی كورد كەچی لە رووی واقیعەوە جێبەجێ ناكرێت .
ئەمڕۆ دەرفەتێكی زێڕین بۆ گەلی كورد لەهەرچوار پارچەی كوردستان هەڵكەوتووە ئەگەر بێتوو بەلۆژیكی سەرۆك بارزانی و شارەزایی ئەم مەرجەعەی كورد مامەڵە بكرێت ، بەتایبەتی لە ئێستادا كوردەكانی رۆژئاواو باكوریش بەمتمانەوە دەڕواننە رۆڵ و پێگەی بارزانی.
