زاری كرمانجی – سۆران :
حكومەتی هەرێمی كوردستان ڕایدەگەیەنێت كە وەزارەتی دارایی حكومەتی فیدراڵ بڕی 958 ملیار دیناری خستووەتە سەر هەژماری وەزارەتی دارایی حكومەتی هەرێمی كوردستان و لە زووترین كاتدا مووچە دابەش دەكرێت.
ئەمرۆ سێشەممە 4ـی شوباتی 2025، حكومەتی هەرێمی كوردستان رایگەیاند، بڕی ئەو پارەیەی خراوەتە سەر هەژماری وەزارەتی دارایی، بەدیاریكراوی (958,012,332,759)یە، واتە نۆسەد و پەنجا و هەشت ملیار و 12 ملیۆن و 332 هەزار و 759 دینار.
دەشڵێت “لە زووترین كاتدا وەزارەتی دارایی دەست بە دابەشكردنی مووچەی مانگی یەك دەكات.”