زارى كرمانجي – سۆران :
لە حاڵێکدا کە باس لە دانوستان لەگەڵ ئیدارەی ترەمپ بۆتە جێی نیگەرانی بەرپرسانی کۆماری ئیسلامی، عەلی ئەکبەر ئەحمەدیان، سکرتێری ئەنجومەنی باڵای ئاسایشی نەتەوەیی کۆماری ئیسلامی، وتی: دەکرێ دانوستان لەگەڵ کافرەکان بکرێت، بەڵام ئەگەر سەرسەخت بین لەو شوێنەی کە دەبێ تەسلیم بین، زیانمان بەردەكەوێت”.
ئەحمەدیان دەشڵێت: هیچ کێشەیەک نییە گوێ لە قسەکانیان بگریت بە مەرجێک لۆژیکی بێت و لەگەڵ پرەنسیپەکاندا بگونجێت.
سکرتێری ئەنجوومەنی باڵای ئاسایشی نیشتیمانی هەروەها وتی: عەقڵ ئەوەیە کە جیاوازی دەکات لە نێوان دوو زیان، ئەوەی کەمتر بێت لە دوو زیانەکە و لە نێوان دوو سووددا، سودەکانی زیاترە.
ئەم لێدوانانە لە کاتێکدایە کە عەلی خامنەیی ڕێبەری کۆماری ئیسلامی بە پێچەوانەی ئیدارەی یەکەم هەڵوێستی دژ بە دانوستان لەگەڵ ترامپ نەبووە.
بەگوێرەی ڕاپۆرتی ئیرنا، ئەحمەدیان وتی: هەندێک کەس دیالۆگ و دانوستان لەگەڵ کۆڵنەدان بەراورد دەکەن. ئەمە تێڕوانینێکی هەڵەیە. دانوستان لەگەڵ کافرەکانیش دەکرێت، بەڵام لەسەر چ بنەمایەک؟ “لەسەر بنەمای بنەمای بەرخۆدان دانوستان دەکرێت”.
