پارێزگاری بانكی ناوەندی عێراق، رەتیكردۆتەوە نیازی دابەزاندنی بەهای دۆلاریان هەبێت.

پەرلەمانی عێراق بەدواداچوون بۆ ئەم بابەتە دەكات
زاری كرمانجی- سۆران:
دوای بڵاو بوونەوەی دەنگۆی، دابەزاندنی نرخی دۆلار لە ئاست دینار تا رێژەی 100 دۆلار بۆ 120 هەزار دینار، واتە بۆ هەر 100 دۆلارێك 25 هەزار دینار دادەبەزێت، ئەمەش وایكردووە بۆ چەندین كار نرخی دینار لە ئاست دۆلار بەرز ببێتەوە، لەم نێوەندەشدا ژمارەیەكی زۆری هاووڵاتی و ناوەندەكان بازرگانی یا زیانێكی زۆری لە ناكاو یان كرد، یا سوودێكی زۆری لە ناكاو. ئەمەش بازاڕی دراوی بۆ چەند رۆژێك بە ناجێگری هێشتەوە، بە تایبەتی دابەزینی نرخی یەك دۆلار لە 148 دینارەوە بۆ 145 دینار.
د.نەرمین مەعروف، پەرلەمانتاری لیژنەی دارایی ئەنجوومەنی نوێنەرانی عێراق رایگەیاند “چەند رۆژێك لەمەوبەر وەك لیژنەی دارایی پەرلەمان، پرسیارمان لە پارێزگاری بانكی ناوەندی كرد، سەبارەت بە دەنگۆی دابەزاندنی بەهای دۆلار بەرامبەر بە دینار، لە وەڵامدا جەخت دەكاتەوە كە بە نیاز نییە گۆڕانكاری لە بەهای دۆلاردا بكات”.
ئەو لێدوانەی ئەم پەرلەمانتارە دووبارە نرخی دۆلاری لە ئاست دینار بەرز كردەوە، بەڵام ژمارەیەكی بەرچاوی بازرگانان و ئەو هاووڵاتییانەی مامەلەی دراو دەكەن، تووشی زیان كرد، هەروەها جۆرێك دڵەڕاوكێییەی خستە نێو ناوەندەكانی بازرگانی مامناوەندەوە، ئەوان پێیانوایە ئەو جۆرە یاری كردنە بە نرخی دۆلار پەیوەندی بە گرووپێك لەناو حكومەت و دامەزراوەكانەوە هەیە، كە هەر جارێك بیانەوێت مامەلەیەكی مەزن بە دۆلار بكەن و بیكرن، بۆ دابەزاندنی بەهای دۆلار دەست دەكەن بە بڵاو كردنەوە پروپاگەندەی جیاجیا، دوای بەدی هێنانی مەبەستەكەشیان و سوودی زۆر ئەو جار پروپاگەندەكان پێچەوانە دەكەنەوە”. ئەو هاووڵاتییانە پیچیانوایە ” ئەو گرووپانە وەك مافیا وان و گرووپێكی زۆرن لە ناو حكومەت و دامەزراوەكاندا پێكەوە ئەو كارە دەكەن، پێویستە حكومەت كاردانەوەی خێرای لەئاست ئەو كارە هەبێت، چونكە جۆرێكە لە چەتەگەری و زیان گەیاندن بە هاووڵاتییان “.
د.نەرمین مەعروف، پەرلەمانتاری لیژنەی دارایی زیاتر روونیكردۆتەوە “گۆڕانكاریكردن لە نرخی دۆلار لە ماوەی لێكنزیكدا ناجێگیری دروست دەكات لە بازاڕی دراو و دەبێتە مایەی بێ متمانەیی بە دینار و دروستكردنی كاریگەریی خراپ لەسەر چالاكی ئابووری و رەوشی وەبەرهێنان و زیادبوونی ناجێگیری بازاڕی دراو”.