زارى کرمانجى:
بەهۆی وەرگرتنی پارە بۆ ئازادكردنی كەسێك، سكرتێری سەرۆك كۆماری عێراق بڕیاری گرتنی بۆ دەردەچێت، ئەوەیش بەهۆی تاوانی وەرگرتنی بەرتیل.
ئەمڕۆ پێنجشەم 30ـی كانوونی دووەم، میدیاكانی عێراق بڵاویان كردەوە، سەرچاوەیەكی ئاگادار لە دادگای كارگێڕی ڕای گەیاند، یەكێك لە فەرمانبەرانی سەرۆكایەتیی كۆمار بە تۆمەتی وەرگرتنی بەرتیل لە بەرانبەر بەڵێنێكی ناڕاست بۆ ئازادكردنی كەسێكی تۆمەتبار، دەستبەسەر كراوە.
ئەو سەرچاوەیە ئاماژەى بەوەشکردووە، تیمێك لە دەستەی دەستپاكی توانیان (چالاك سەباح عومەر) كە وەك سكرتێری سەرۆكی كۆمار كار دەكات، بە تاوانی وەرگرتنی بەرتیل بگرن.
ئەو سكرتێرە هەڵساوە بە وەرگرتنی بەرتیل لە هاووڵاتییەك بەرانبەر بەڵێنێكی درۆ بۆ ئازادكردنی هاووڵاتییەك كە گیراوە و تۆمەتبارە.
