زاری كرمانجی – هەولێر:
به‌بۆنه‌ی هه‌ڵبژاردنی وه‌ك سه‌رۆكوه‌زیران و سه‌رۆكی پارتی پارێزگارانی به‌ریتانیا، مه‌سرور بارزانی سه‌رۆكی حكومه‌تی هه‌رێمی كوردستان، پیرۆزبایی له ریشی سوناك ده‌كات.
ئه‌مڕۆ سێشه‌ممه (25ی تشرینی یه‌كه‌م/ئۆكتۆبه‌ری 2022) مه‌سرور بارزانی، سه‌رۆكی حكومه‌تی هه‌رێمی كوردستان، له هه‌ژماری تایبه‌تی خۆی له تۆڕی كۆمه‌ڵایه‌تی تویته‌ر په‌یامێكی پیرۆزبایی ئاراسته‌ی ریشی سوناك، كرد.
له تویته‌كه‌یدا، سه‌رۆكی حكومه‌تی هه‌رێمی كوردستان، جه‌ختی له‌سه‌ر كاركردنی هاوبه‌ش له‌گه‌ڵ سه‌رۆكوه‌زیرانی نوێی به‌ریتانیا كردووه‌ته‌وه بۆ هه‌ماهه‌نگی و پته‌وكردنی زیاتری په‌یوه‌ندی دۆستانه‌ی نێوان هه‌رێمی كوردستان و به‌ریتانیا.
ئه‌مڕۆ سێشه‌ممه (25ـی تشرینی یه‌كه‌م/ئۆكتۆبه‌ری 2022)، ریشی سوناك، له‌لایه‌ن شاچارلسی سێیه‌م، پاشای به‌ریتانیا‌وه وه‌ك سه‌رۆك وه‌زیرانی نوێی به‌ریتانیا ده‌ستنیشانكرا دوای ئه‌وه‌ی دوێنێ دووشه‌ممه به ده‌نگی 187 ئه‌ندامی پارتی پارێزگارانی به‌ریتانیا به سه‌رۆكی پارته‌كه هه‌ڵبژێردرا.
