زاری كرمانجی-سۆران:
وەزارەتی دارایی و ئابووری پەیكەری رێكخستنی فەرمانگەی ژینگەی بۆ ئيداره‌ی (سۆران و زاخۆ) پەسەند كرد.
هەژار ماهیر ئێدلبی، سەرۆكی بۆردی رێكخراوە ژینگەییەكانی ئیدارەی سۆران: بە زاری كرمانجی گووت: ” پاش وەرگرتنی رەزامەندی ئەنجومەنی وەزیران بۆ هێنانە كایەی فەرمانگەی ژینگە لە هەر یەك لە ئیدارەی سەربەخۆی سۆران و ئیدارەی سەربەخۆی زاخۆ. لە دوای ناردنی نووسراوی دەستەی ژینگە، بۆ وەزارەتی دارایی و ئابووری و پێشنیاز كردنی پەیكەری رێكخستن، وەزارەتی دارایی و ئابووری بە نووسراوی ژمارە/ ٥٤٨٦ لە ٢٣/١٠/٢٠٢٢ كاری پێویستیان ئەنجام دا بە پەسەندكردنی پەیكەری رێكخستنی فەرمانگەی ژینگە لە سۆران و زاخۆ، ئەوەش بە گرنگ و پێویست دەزانین”.
گووتیشی: ” دەستەی ژینگە لە هەوڵەكانی بەردەوامە بۆ تەواوكردنی قۆناخەكانی دواتر بە مەبەستی كردنەوەی فەرمانگەی ژینگە لە ئیدارەی ( سۆران و زاخۆ ).
