مەهدی محەممەد – زاری كرمانجی :
فڕۆكە جەنگییەكانی ئوردن، باشووری سووریای بۆردوومان كرد.
سەرچاوە هەواڵییەكانی ئوردن بڵاویان كردەوە “بەرەبەیانی ئەمڕۆ سێشەممە 14ـی 1ـی 2025، فڕۆكەی جەنگیی ئوردن چەند خانوویەكی لە ناوەڕاست و باشووری گوندی شەعابی لە دەوروبەری پارێزگای سوەیدای باشووری سووریا كردووەتە ئامانج و دوو جار بۆردوومانی كردووە،”
ئەوەش خراوەتە ڕوو كە ئەو خانووانەی بۆردوومان كراون یەكێكیان ماڵی (جیهاد سەعید) ە كە عەشایرێكی ناوچەكەیە و تۆمەتبارە بە بازرگانی چەك و ماددەی هۆشبەر لە نێوان سووریا و ئوردن، هاوكات چەند ڕۆژێك بەر لە ئێستا گرووپێكی بازرگانی ماددە هۆشبەرەكان، ویستوویانە دزە بكەنە نێو سنووری ئوردن، بەڵام پاسەوانانی سنووری ئوردن ڕووبەڕووییان بوونەتەوە و دوای شەڕێكی سەخت، لە سنوور دووریان خستوونەتەوە.