محەممەد مەحموود- سۆران :
ئەمساڵ بە راورد بە ساڵی ڕابردوو کەمترین باران باریووە، لە هیچ قەزایەکی سنووری ئیدارەی سۆران تێکڕای باران بارینی ئەمساڵ ٢٠٠ ملیمی تێنەپەڕاندووە.
مەقبیلا مزووری، لە هۆبەی کەشناسی بەڕێوەبەرایەتی گشتی کشتوکاڵی سۆران ئاماری باران بارینی ٢٤ کاتژمێری رابروو و تێکڕا و جیاوازی باران بارینی ئەمساڵ و پار ساڵی خستەروو، بەپێی ئەو ئامارە لە سنووری سێ قەزای ئیدارەی سۆران کە هەریەکە لە سۆران و چۆمان و خەلیفان ٢٥ ملم باران باریووه تەنها بە پۆینت جیاوازیان هەبووە، زۆرترین بارانیش لە مێرگەسۆر و کەمترینیش لە گوندی بەرزێوە بووە لە سنووری قەزای رواندز”.
بەرپرسی هۆبەی کەشناسی بەڕێوەبەرایەتی گشتی کشتوکاڵی سۆران، ئاماژەی بەوەشدا ئەمساڵ تا ئێستا لە هیچ قەزایەکی ئیدارەی سۆران تێکڕای باران بارین نەگەیشتۆتە ٢٠٠ ملم ، کەچی ساڵی پار تا ئەم کاتە لە مێرگەسۆر زیاتر لە هەزار ملم باران باریبوو.
تێکڕای باران بارینی ئەمساڵی سنووری ئیدارەی سۆران و جیاوازی لە گەڵ ساڵی رابردوو لە کۆمێنتە.
