مەهدی محەممەد – زاری كرمانجی :
بەشێك لە ئەندام و لایەنگرانی دەستەی تەحریری شام، لە ڕاگەیاندراوێكدا ئەحمەد شەرع بەوە تۆمەتبار دەكەن كە لە بنەماكانی ئیسلام لای داوە و بووەتە كەسێكی بەرژەوەندیخواز و لەو پێناوەشدا هەماهەنگی لەگەڵ لایەنە نێودەوڵەتییەكان دەكات.
ئەو ئەندام و لایەنگرانی تەحریری شام، كە خۆیان بە لایەنە ناڕازییەكانی ناو دەستەی تەحریر شام ناساندووە، پێیان وایە ئەحمەد شەرع لە دژی بەرژەوەندییەكانی گەلی شام كار دەكات و پێشێلكاری لە بەرامبەر موسڵمانان دەكات.
بۆیە لە ڕاگەیاندراوەكەیاندا داوا لە لایەنەكانی دیكە دەكەن دژی سیاسەتەكانی شەرع بوەستنەوە.
