وەزارەتی بەرگری حکومەتی تاڵیبان ڕایگەیاند، هێزەکانیان ئۆپەراسیۆنی تۆڵەسەندنەوەیان لەسەر خاکی پاکستان ئەنجامداوە و لە شوێنێکدا کە ئۆپەراسیۆنەکانی دژی خاکی ئەفغانستانیش لێیەوە ڕێکخرابوو.
ئینایەتوڵڵا خورازمی، گووتەبێژی وەزارەتی بەرگری تاڵیبان، بە بی بی سی ڕاگەیاند: هەندێک خاڵ لە دیوەکەی تری هێڵی گریمانەیی (دوراند) لە ناوەند و حەشارگەی خراپەکاران و لایەنگرانیانەوە، لەو شوێنەی هەڵمەتەکانی دژی ئەفغانستان ئەنجام دەدرێن ڕێکدەخران، لە تۆڵەسەندنەوەیەک بۆ سەقامگیری باشووری ڕۆژهەڵاتی کیشۆر، هێرشیان کرایە سەر.
ڕاپۆرته کانی دیکه ئاماژه به ململانێ له ناوچه سنوورییه که و قوربانییه کانی نێوان هێزه کانی پاکستان ده که ن.
ململانێیەکی ئەم دواییە دوای چوار ڕۆژ لە هێرشە ئاسمانییەکانی پاکستان لە پارێزگای پاکتیکا ڕوویدا، کە پاکستان دەڵێت شەڕڤانانی کردۆتە ئامانج. حکومەتی تاڵیبان دەڵێت لەو هێرشانەدا ٤٦ کەس کوژراون.
پێشتر لە میدیاکانەوە حکومەتی تاڵیبان باسی کوژرانی ١٥ سەربازی پاکستانی لە ئۆپەراسیۆنی سەربازی تاڵیبان کردبوو. بەڵام گووتەبێژی وەزارەتی بەرگری حکومەتی تاڵیبان زانیاری زیاتری لەبارەی زیانەکانی هێزەکانی پاکستان نەدا بە بی بی سی.
