زاری كرمانجی-سۆران:
فلادیمێر پوتین، سەرۆكی ڕووسیا، رایگەیاند كێشەی كورد لە رۆژهەڵاتی ناوەڕاست كێشەیەكی سەرەكییە و دەبێ چارەسەر بكرێ، 35 ملیۆن كەسن لە یەك جوگرافیادا بەسەر چوار وڵاتدا دابەش كراون، هێشتا وڵاتی سەربەخۆی خۆیان نییە
ئەمڕۆ هەینی 20/12/2024، فلادیمێر پوتین، سەرۆكی ڕووسیا، لە كۆنگرەی رۆژنامەنووسیی ساڵانەیدا رایگەیاند: پێویستە دۆزی كورد چارەسەر بكرێ، سەرەڕای ئەوەی كورد لە یەك جوگرافیادا دەژی، بەڵام بەسەر چوار وڵاتدا دابەش كراون و ژمارەیان زیاتر لە 35 ملیۆن كەسە، بەڵام هێشتا وڵاتی سەربەخۆیان نییە.
گوتیشی: یەكێك لە سیاسەتمەدارانی ئەورووپا پێش ماوەیەك پێی گوتم كە كورد غەدری لێ كراوە لە دوای جەنگی یەكەمی جیهانی و هیچ كام لە وڵاتان بەرانبەر بەو بەڵێنانەی پێیان دابوون بۆ دروستكردنی وڵاتێكی نەتەوەیی بۆیان سەرڕاست و بەوەفا نەبوون،
ئاماژەی بەوەش كرد: پرسی كورد لە سووریا، دەبوو لە سەروەختی دەسەڵاتی بەشار ئەسەد چارەسەر بكرایە، دووپاتی كردەوە پێویستە لە سەردەمی دەسەڵاتی نوێی سووریادا چارەسەر بكرێ.
گوتیشی: توركیا پێویستی بە گرەنتی ئەمنیەتی و سەقامگیریی خۆی هەیە، هەموومان لەوە تێ دەگەین، رژێمی نوێی دیمەشق پێویستە پرسی كورد بە ڕەوچاوكردنی ئاسایشی توركیا چارەسەر بكات.
گوتیشی: پرسی كورد لە رۆژهەڵاتی ناوەڕاستدا پرسێكی سەرەكییە و پێویستە چارەسەر بكرێ.
گوتیشی: كورد جەنگاوەری ئازان و پیاوی جددین و شەڕكەری راستەقینەن، پێویستە كێشەكەیان چارەسەر بكرێ.
