زاری كرمانجی – رواندز :
ئێوارەی رۆژی هەینی 21 ـ 10 ـ 2022 لە نێو یاریگەی گەردە گەردی ناوەندی وەرزش و لاوانی رواندز، یاری كۆتایی خولی مەحموودی لاعیب لە نێوان هەردوو تیپی تۆپی پێ ی ( لاوانى دێلزیان و لاوانی رواندز ) بەرێوەچوو، دوای یاریيەكی ئاست بەرز و ئاگرین، هەردوو تیپ بە بێ گۆڵ 90 خولەكی یارییەكەیان تەواو كرد، دواتر پەنا برایە بەر لێدانی یەكلاكەرەوە، لاوانی رواندز ئهنجامهكهى 5 به 4 گۆڵ له بهرژهوهندى خۆى به كۆتاهێناو جامی خولەكەی بەرز كردەوە.
حیلمی شێركۆ بەرپرسی ناوەندی وەرزش و لاوانی رواندز لە بارەی خولەكەوە بە زاری كرمانجی راگەیاند:” ناوەندەكەمان هەڵسا بە ئەنجامدانی خولێكی تۆپی پێی لە ژێر ناوی ( وەفایەك بۆ فەرمانبەری كۆچكردو مەحموودی لاعیب ) بە بەشداری هەشت تیپی ئیدارەی سۆران بە ناوەكانی (لاوانی رواندز ـ خەلیفان ـ مێرگەسۆرد ـ دێلزیان ـ دۆسكی ـ كاولۆكان ـ بالەكیان ـ بادلیان)، دوای دوو هەفتە لە بەردەوامبوونی كێبڕكی نێوان تیپەكان، هەردوو تیپی دێلزیان و لاوانی رواندز توانیان خۆیان بگەیننە یاری كۆتایی و لە یارییەكی ئاستبەرز، لاوانی رواندز توانیان بە لێدانی یەكلاكەرەوە ئەنجامی یارییەكە لە بەرژەوەندی خۆیان تەواو بكەن و جامی خولەكە بەرز بكەنەوە،”
باشترینەكانی خولی ناوبراو بەمشێوەیە بوو
لاوانی ڕوانـدز پلەی یەكەم
لاوانی دێلزیان پلەی دووەم
باشترین یاریزانی خول
محمد خالید لە لاوانی ڕواندز
باشترین گۆلپارێزی خول
بەهێز ئەرسەلان لە لاوانی ڕواندز
گۆڵكارانی خول
بەهاوبەشی بەتۆماركردنی ۳ گۆڵ
۱ـ محمد خدر لە لاوانی ڕواندز
۲ـ جەمال لە لاوانی دێلزیان
۳ـ هابیل لە لاوانی دێلزیان
جێگەی باسە خەڵاتەكان لەلایەن ئازا محمود كوڕی كۆچكردو بەسەر سەركەوتووان دابەشكران
