رێبوار حەمەلاو شوانی
هەموو ئەو بانگهێشت و سەردانە فەرمییانە بۆ سەرکردایەتی سیاسی هەرێمی کوردستان بە تایبەتی سەرۆکی هەرێم و سەرۆکی حکوومەتی کوردستان بۆ وڵاتانەی ئەوروپاپی و ناوچەکە و عەرەبی و دیدار و چاوپێکەوتنەکانیان لەگەڵ سەرۆک و سەرکردەکانی ناوچەکە و جیهان ئاماژەیەکی روونە بە پەسەندبوون و سەرکەوتن و جێگەی متمانەبوونی دیپلۆماسی و سیاسەتی هەرێمی کوردستان لەگەڵ هاوکێشەکانی ناوچەکە و نێودەوڵەتییدا .
ئاشکرایە، بارودۆخی ناوچەکە و جیهان بە کاتێکی هەستیاردا گوزەر دەکات کە پڕە لە گرژی جەمسەری و ململانیێ ناوچەیی ، مەسروور بارزانی، چ وەک کەسایەتییەکی بەهێز و کاریگەر و چ وەک سەرۆکی حکوومەتی کوردستان ، وەک سەرکردەیەکی پێشەنگ بە ڕوانگە و دیدگایەک کە دیپلۆماسی و هێزی نەرم و ئینجا وەک دەوڵەتمەدارێک لە خەمی گەل و نیشتیمانەکەی و گەشەپێکردنی ئابووری و دارایی و بەرەو پیشبردنی دادپەوەری و کۆمەڵایەتی و ڕێکخستنی کاری ئیداریی رۆڵی بەر چاوی بینیووە .
لە رابردوو و ئێستاشدا بووەتە جێگەی ستایش و پێزانینی زۆرینەی کۆمەڵگەی نێودەوڵەتی، رۆڵی باڵای هەرێمی کوردستانی لە پرۆسەی سیاسی و ئابووری و سەربازی و مرۆیی و ڕووبەڕووبوونەوەی هەرەشەی تیرۆر و فەراهەمکردنی رەوشێکی سەقامگیری و ئاڕام بۆ پەنابەر و پیکهاتە ئایین و ئایینزاکان و پیکەوەژیانی ئاشتیانە بینیووە ، وایکردووە کە هەرێمی کوردستان وەک کاراکتەرێکی سەرەکیی لە عێراق و ناوچەکە وێنا بکات .
ئەوەی خوێندنەوەی بۆ دەکرێت و دەبینرێت ، هەرێمی کوردستان لە رووی پێگەی جوگرافیاکەیەوە ، لە رۆژهەڵاتی ناڤین کاریگەری لە سەر پەیوەندییە نێودەوڵەتییەکان کە ئەم راستییە جیۆپۆلیتیکەیە و هەروەها بەروژەندییەکانی وڵاتە زڵهێزەکان لە عێراقێکی یەکگرتووە و لە چوارچێوەی فیدڕاڵیزم ، پەیوەندییەکانی لەگەڵ وڵاتانی ناوچەکە و نێودەوڵەتی پتەوتر کردووە .
هەروەها لە ڕووی سیاسیشەوە , هەرێمی کوردستان توانیوێتی بێتە نێو مەیدانی نێودەوڵەتی بۆ بەرەوپێشبردنی پەیوەندییە نێوەدەوڵەتییەکانی کە ئەم چاڵاکییانە دەبنە هۆی دروستبوونی بنەمایەکی سیاسەتی دەرەوە لە رووی دیپلۆماسییەوە . بەتایبەتی کە دیپلۆماسی و سیاسەتی حکوومەتی هەرێمی کوردستان پابەندبوونە بە ئاشتی و سەقامگیری و گەشەپێدانەوە ، لەو ڕووەوە وڵاتانی ناوچەکە و جیهان بەو پەری گرنگییەوە دەروانە کەسایەتی و پێگەی مەسروور بارزانی، پرس و گفتوگۆی چارەنووسسازەکان لەبارەی ئایندەی رووداو و پێشهاتەکانی ناوچەکە لە پیناو فەراهەمکردنی ئاشتی و ئاسایش بە شێوەیەکی گشتی .
ئەوەی لە سیاسەت ودیپلۆماسی و هێزی نەرمی بارزانی و هەرێمی کوردستان دەبینرێت و بەکردەوە کاری لە سەر کراوە ،ئاشتییە ، بانگەوازییە بۆ چارەسەکردنی ململانێ بەردەوامەکان لە ڕێگەی گفتوگۆ و هێزی نەرم نەک توندو تیژی و جەنگ و کوشتارەوە ، پەتایبەتی لە ناوچەیەکدا کە پەیوەدیدارە بە ڕکابەریی زڵهێزەکان مەترسی ڕاکێشانی عێراق بۆ نێو شەڕ و ململانێیەکان ، کە ئەوەش ئاماژەیە بۆ سەرکردایەتییەکی بەرپرسیار کە ساقامگیری لە پێشینەی خۆیدا لە سەروی هەموو دەستکەوتێکی کورتخانەیەنی سیاسی و ئابووری و دیپلۆماسی دەبینێتەوە .
بەردوامیی و سیاسەت ودیپلۆماسی نەگۆری هەرێمی کوردستان بە سەرکردایەتی بارزانی لەگەڵ هەر دوو جەمسەر گەورەکان و ئەکتەرە ناوچەیەییەکان و ستراتیژییەکی دیپلۆماسی هاوسەنگ و دیدگای بارزانی بۆ گرنگیدان بە پەیوەندییەکان لەگەڵ زڵهێزان و جەمسەرکان و وڵاتانی دیکەی وەک رووسیا و چین و ناوچەکە ، هەموویان ئەم ڕێبازە هاوسەنگەیە نەک هەر سەنگ وپێگەی هەرێمی کوردستان لە سەر ئاستی ناوچەیی و نێودەوڵەتی بەهێزتر دەکات ، دەبێتە مۆدیڵێک بۆ ئەوەی کە چۆن وڵات و ناوچە بچووکەکان بتوانن لە چوارچێوەیەکی ئاڵۆزی جوگرافیایی دا بە شێوەیەکی سەربەخۆ و کاراتر هەڵسووکەوت بکەن و ڕۆڵیان هەبێت و ئەزموون و خاک و گەلەکەشیان بپارێزن.
