دەستەی تەحریر شام؛ جگە لە دوو شاری ژێر دەسەڵاتی هێزە كوردییەكان تەواوی شاری حەڵەبی كۆنترۆڵ كرد

مەهدی محەممەد – زاری كرمانجی :

چەكدارانی دەستەی تەحەریر شام (بەرەی نوسرە) ی كۆن و هاوپەیمانەكانی نزیك لە توركیا، كۆنترۆڵكردنی تەواوی تەواوی پارێزگای حەڵەبییان لە باكوری سووریا راگەیاند.
هاوكات سەرچاوەیەكی ئەمنی ئاشكرای كرد كە گروپە چەكدارە سورییەكانی هاوپەیمانی توركیا، تەواوی ناوچە و گەڕەكەكانی پارێزگای حەڵەبیان كۆنترۆڵ كردوە، جگە لە گەڕەكە گەورەكانی ئەشرەفییە و شێخ مەقسودی كوردنشین لە شاری حەڵەب كە لە ژێر دەستی یەپەگەدایە و پارێزراوە.
لای خۆشییەوە روانگەی سوری بۆ مافەكانی مرۆڤ بڵاوی كردەوە كە گروپە چەكدارەكان گەیشتونەتە قەڵای حەڵەب .