زاری كرمانجی-سۆران
بەپێی بەدوادچوونەكانی زاری كرمانجی نرخی مریشكی زیندوو لە بازاڕ ڕووی لەبەرزبوونەوە كردووە، خاوەن دوكانێكی مریشك فرۆشی هۆكارەكەكەی ئاشكرا دەكات.
عەبدی لەزگین، خاوەن دوكانی مریشك فرۆشی لە سنووری قەزای ناوەندی سۆران، بە زاری كرمانجی ڕاگەیاند: ” بە بەراورد بە هەفتەی ڕابردوو نرخی كیلۆیەك مریشكی زیندوو نزیكەی 400 دیناری هاتۆتە سەری ، واتە كیلۆی لە 2500 بۆ 2900 دینار بەرز بووەتەوە”.
گووتیشی: ” هۆكاری بەرزبوونەوەی نرخەكەی دەگەڕێتەوە بۆ چەند هۆكارێك، لەوانە كەمبوونەوەی مریشكی زیندوو لە كێڵگە پەلەوەرییەكان، هەروەها ساڵانە لە وەرزی سەرما خواستی زۆر لەسەرە لەلایەن هاووڵاتییانەوە، گرانی نرخی مریشكی بەستوو لە بازاڕدا.
