بەرپرسێکی حکومەتی ئێران رایگەیاند، پلان هەیە لە ئایندەیەکی نزیکدا گەشتی ئاسمانی لە نێوان هەردوو فڕۆکەخانەی نێودەوڵەتی هەولێر و سنە دەستپێبکات.
موسلیم شوجاعی، بەڕێوەبەری گشتیی بەبازاڕکردن و گەشەپێدانی گەشتوگوزاری دەرەوەی ئێران دەڵێت، حکومەتی هەرێم دەیەوێت گەشتی راستەوخۆی ئاسمانی نێوان هەرێم و سنە لەوێشەوە بۆ دورگەی کیش دەستپێبکات.
ئەوەشیخستەڕوو، هەرێمی کوردستان بازاڕێكی باشی گەشتیاریی وڵاتی ئێرانە بە سەرنجدان لەمەش دەستپێکردنی گەشتی راستەوخۆ بۆ پارێزگاکانی دیکەی وڵات گرنگە، جگەلەوەش کارئاسانیکردن بۆ هاتووچۆی وشکانی و کەمکردنەوەی رۆتینات لە خاڵە سنورییەکان یەکێکی دیکەیە لە هۆکارەکانی دیکەی راکێشانی گەشتیاران لەنێوان هەردوو وڵاتدا.
