د. مەیادە نەجاڕ
بەرەبەیانی بیستی ئۆكتۆبەر بوو ، شەمشەمە كوێرەكانی تاریكی، هێشتا لەهسترییایی پیلانی شازدەی ئۆكتۆبەردا دەژیان، بەچەكە ئەمریكی و ئینگلیزیە مۆدیرینەكان، كە كۆمەلگەی نێودەوڵەتی وەك دیاری بۆ جەنگی داعش پێشكەشی كردبوون، لەدوای پیلانگیرییە شومەكەی شازدەی ئۆكتۆبەر و داگیركردنی كەركوكی دڵی كوردستان روویان لەشاری هەولێری هۆلاكۆ بەزینی پایتەختی كوردستان كرد،لەو ئان و ساتەدا، كۆمەڵێك ناپاك و بێگانەپەرستی كوردیش بە خەونی كۆتاییهێنان بە (پارتی) دڵخۆشییان گەیشتبووە لوتكە.
حەشدی شەعبی و گروپە هەرێمیە هاوپەیمانەكانیان و تاقمێكی ناو یەكێتی چاوساغیان بوو خۆیان بۆ داگیركردنی پایتەختی كوردستان ئامادە كردبوو، بەڵام هێزی پێشمەرگەی كوردستان لەژێر فەرماندەی سەرۆك مەسعوود بارزانی، فەرماندەی گشتی هێزە چەكدارەكانی هەرێمی كوردستان، گەورەترین داستانی پر لەسەروەرییان تۆماركرد ، داستانێك بەخوێنی پێشمەرگە گیان لەسەردەستەكانی پارتی دیموكراتی كوردستان تۆماركرا، بۆ هەتا هەتایی حەشد و هاو كارەكانیانی تووشی سەرسورمان و شۆك هێنا.
گۆڕینی هاوكێشەی هەرێمی
داستانی پردێ هاوكێشەی هەرێمی لەگۆڕنا، داستانی پردێ و تێكشكاندنی ئەو بەرەیە ناو دەبرێت كە هەوڵی سڕینەوەی قەوارەی سیاسی هەرێمی كوردستانیان دەدا ، داستانێكی هێندە مەزن بوو درێژكراوەی داستانی مەزنی خواكورك بوو كەمێژوویی كوردایەتی لەدوای ئەنفال و كیمیا باران و راگوێزان زیندووكردەوە، درێژەپیدەری داستانی كۆڕێ بوو كەحكومەتی بەغدای تووشی شۆك كرد، شێرە كوڕانی پێشمەرگەی كوردستان بەزنجیرەیەك داستانی بێوینە بەنەیارانیان گووت سنووری كوردستان هێلی سوورە .
حەماسەتی پڕ لە شانازی پردێ، لە داستانە پڕلە نەبەردەكانی مەحموودییە و زمار و مەخموور هەمان سەركەوتن دووبارە بوەوە، لەم رۆژەدا هەزاران سڵاو لەگیانی پاكی شەهیدانی داستانەكانی پردێ و سحیلا ، سلاو بۆ گیانی پاكی شەهیدانی كورد و كوردستان سەروەرییان باوكی روحیمان بارزانی نەمر و كاكە ئیدریسی هەمیشە لەیاد.
