زاری كرمانجی-سۆران
ماوەی دوو ڕۆژە نرخی بەنزین لە سنووری ئیدارەی سۆران ڕووی لەبەرزبوونەوە كردووە، خاوەن بەنزینخانەیەكیش دەڵێت هۆكارەكەی كاتییەو نرخەكەی دادەبەزێتەوە.
ڕەشید مستەفا، خاوەن بەنزینخانەیە لە قەزای ناوەندی سۆران، بە زاری كرمانجی ڕاگەیاند: ” لە ئێستادا نرخی یەك لیتر بەنزینی لاناز لە 820 دینار بەرزبووەتەوە بۆ 950 دینار، هەروەها بەنزینی محسن لیتری لە 1000 دینار بۆ 1050 دینار بەرزبووەتەوە”.
ئەو خاوەن بەنزینخانە ئاشكراشی دەكات: ” هۆكاری بەرزبوونەوەی نرخی بەنزین تەكنیكی و كاتیەو پێشبینی دەكرێت نرخەكەی داببەزێتەوە.
