مەهدی محەممەد – زاری كرمانجی :
بە هۆی ڕووداوی كەوتنە خوارەوەی فڕۆكەیەكی بچووكی هێزی وشكانی سوپای پاسدارانی ئێران لە باشووری ڕۆژهەڵاتی ئەم وڵاتە، فەرماندەیەكی سەربازی گیانی لەدەستدا.
ئەمڕۆ دووشەممە 4ـى تشرینی دووەمی 2024، لە كاتی ئەنجامدانی ئۆپەراسیۆنێك بەناوی (شەهیدانی ئەمنییەت) لە پارێزگای گۆلستان، فڕۆكەیەكی بچووكی هێزی وشكانی سوپای پاسدارانی ئێران كەوتە خوارەوە و دوو لە ئەندامانی ئەو هێزە بە ناوەكانی عەمید (حەمید مازندەران) فڕۆكەوانەكەی(حامید جەندەقییە) گیانیان لەدەستداوە.
