به گوێره‌ی ڕاگه‌یه‌ندراوی وەزارەتی خوێندنی باڵا و توێژینەوەی زانستی كه ڕۆژی پێنجشه‌ممه‌ی هه‌فته‌ی ڕابردوو بڵاویكرده‌وه، سبه‌ی یەکشەممە رێکەوتی (2024/11/3) لە کۆنگرەیەکی ڕۆژنامەوانیدا ئەنجامەکانی وەرگرتنی دەرچووانی 12ـی ئامادەیی لە زانکۆ و پەیمانگەکان بۆ ساڵی نوێی خوێندنی (2024-2025) ڕادەگەیەنرێت.
وەزارەت ئاماژه‌ی به‌وه داوه، دوای ڕاگەیاندنی ئەنجامەکان لە ڕێکەوتی (2024/11/10) دەست دەکرێت بە پرۆسەی خوێندنی قۆناغی یەکەم لە زانکۆکان، بۆیە پێویستە لەسەر وەرگیراوان لەدوای ڕاگەیاندنی ئەنجامەکان ڕاستەوخۆ پەیوەندی بە زانکۆکانیان بکەن بۆ ئەم مەبەستەش زانکۆکانی هەرێمی کوردستان ئامادەکاری پێویست دەکەن بۆ پێشوازیکردن لە وەرگیراوان بۆ ساڵی نوێی خوێندنی (2024-2025).
