رێبوار حەمەلاو شوانی
چەند ساڵێکە گۆرانکاری لە دوای گۆرانکاری ناوچەکە و جیهانی بە خۆیەوە سەرقاڵکردووە ، ئەمرۆ پرسە هەرە ستراتیژییەکان ئاشتی و ئاسایش و ئابوورییە کە پەیوەستە بە کۆمەلێک پرسی هەستیار وگرنگی تر لە نێویاندا ئاسایشی خۆراگ و ئاو و ژینگە و مرۆیی کە لە سەر ئاستی نێودەوڵەتییدا گرنگی و بایەخەتی خۆی هەیە وسەرنجی لە سەرە .
لەو ڕوانگەیەوە ، هەرێمی کوردستان وەک قەوارەیەکی یاسایی ودەستووری و چ وەک مودیلێکی حوکمڕانی و پێشکەوتوو وگەشەسەندوو لە ڕووی دیموکراسییەوە و هەروەها پێشکەشکردنی حکوومرانی لەماوەی 32 ساڵی رابردوو و بە ئێستای کابینەی نۆیەم و هەنگاونان بەرەو کابینەی دەیەم ، ڕێزدار مەسروور بارزانی ، سەرۆکوەزیرانی کوردستان ، بە تێروانینێکی پێشکەوتوو و جیاواز لە پرسە ئاسایشییەکان بەتایبەتی لە رووی سەقامگیری و ئاشتی و ئابووری و کشتووکاڵەوە دەروانێت ، بەتایبەت لەماوەی دەستبەکاربوونی لە کابینەی نۆیەم ، بەکارنامەیەکی دەوڵەمەند و بەکردەیی خاڵ بەخاڵ کارنامەی حکوومەتەکەی جێبەجێ بکات .
بە سەرنجدان بە دیدگای سەرۆکوەزیرانی کوردستان ڕێزدار مەسروور بارزانی ، چ بە شێوەی نووسین و دروشم و پلانەوە و چ لە ڕووی کردەییەوە زۆر بایەختی بۆ پرسی ئاسایشی و ئاشتی و سەقامگیری هەرێمی کوردستان داوە تا ئەزموون و دەستکەوتەکانی و سەروەری بپارپرێزێت و هاوسەنگی لە نێو ناوچەیەکی پڕ کێشە و ئاڵۆز و ناسەقامگیردا بە شێ,ەیەکی زۆر پێشکەوتوو و ژیرانە بپارێزێت ، گەل و نیشتیمانەکەی لە هەڕەشە و ئاگرەی جەمسەربەندییەکان بەدوور بگرێت.
هەروەها لە رووی ئاسایشی ئاو و خۆراگ و کشتوکاڵیش بەهەمان شێوە ، خەمخۆری و پەرۆشیی سەرۆکی حکوومەتی کوردستان ڕێزدار مەسروور بارزانی ، بەتایبەت لە پرسی ئاسایشی ئاو بەڕێگەی دروستکردنی بەندا و پۆند لە پێناو کەمکردنەوەی ئەو کاریگەری و مەترسییانەی کە بەهۆی گۆڕانکاری کەش وهەوا لە سەر ناوچەکە وعێراق لە سەر هەرێمی کوردستان دروست دەبن کاریگەرییەکانی کەم بکاتەوە
دووەم ،، پلانی ورد وستراتیژی سەرۆکوەزیرانی کوردستان بۆ هەناردەکردنی بەرهەمی جوتیاران و بۆ دەرەوەی وڵات بەتایبەتی بەرهەمی پەتاتە و ومیوە و بواری تریش ، ئینجا دروستکردنی کۆگای خواردن و ساردخانەی تایبەت و ئینجا دروستکردنی چەندین سایلۆ بۆ پاراستن وهەڵگرتن و ئەنبارکردنی گەنم و جۆ هەنگاوەێکی تری ستراتیژییە بۆ پاراستنی ئاسایشی داهات وخۆراک .
سێیەم ،، گرنگیکدان بە کەرتی تەندروستی و کارگەی دەرمان و بەکارهێنانی ستیکەر بۆ پاراستنی ئاسایشی تەندروستی هاووڵاتیانی کوردستان هەنگاوێکی دیکەی سەرۆکوەزیرانی کوردستانە بۆ رێگریکردن لە بەکارهێنانی دەرمانی ساختە ودروستکردنی مەترسی لە سەر ژیانی خەڵکی کوردستان .
چوارەم ،، یەکێکی تر لە هەنگاو و پلانە گرنگەکانی حکوومەتی هەرێمی کوردستان پشتگیرکردنی کەرتی پەروەردە و نوێژەنکردنەوەی قوتابخانەکانە و بەتایبەت خوێندنی باڵایە کە لە پێناو پێشکەوتنی پەروەردە و گەشەپێدان مرۆیییە لە ڕووی زانستییەوە .
پێنجەم ،، هەوڵە دیپلۆماسییەکانی سەرۆکوەزیرانی کوردستان ڕێزدار مەسروور بارزانی، لەڕووی سیاسی و دیپلۆماسیی و دوورخستنەوەی هەرێمی کوردستان لە کێشە و ململانێیەکانی ناوچەکە و هێشتنەوەی کوردستان وەک دوورگەیەکی ئارام و سەقامگیر ، هەنگاوی گرنگ و ستراتیژین بۆ پاراستنی ئاشتی و ئارامی .
شەشەم ،، سەرۆکی حکوومەتی هەرێمی کوردستان بەڕێگەی نوێژەنکردنەوە و ئاوەدانکردنەوە و دیپلۆماسیی گەشتیارییەوە توانێوێتی پردێکی بەهێز لە نێوان وڵاتانی ناوچەکە و دونیا بۆ راکێشانی گەشتیاران و بازرگان و بیزنسکاران بۆ نێو هەرێمی کوردستان دروست بکات ، ئەوە سیاسەتێکی ئابووری و دیپلۆماسی ژیرانە لە پێناو بەرژوەندی گشتی و پێشکەوتنی گەشتیاری .
ئەو خاڵ وسەرنجانە و دەیان هەوڵ و کاری دیکەی سەرۆکوەزیرانی کوردستان هەموویان ئاماژەن بەوەی کە شەو ورۆژی خستۆتەسەر یەک لە پیناو پارێزگاریکردن لە ئاشتی و ئاسایش لە هەرێمی کوردستان کە نەک تەنها سوود و قازانجی بۆ ئێستای گەل و نیشتیمان هەیە ، بەڵکو دەتوانین بڵێن کە ئامانجی گەورەتری لە پشتەوەیە ئەویش فەراهەمکردنی ئاسایش وئاستی لە پێناو ژیانێکی پر خۆشبەخستی و ئومێد و گەشەسەندنی زیاتری کوردستان ، کە بەردەوامی ئەم پرۆسەیە لە کابینەی داهاتووش هاوکار و پاڵنەرە بۆ پارێزگارکردن لە سەروەری قەوارەی هەرێمی کوردستان و بەهێز وسەنگینتر بوونی لە سەر ئاستی نێوخۆیی و دەرەوە و کە ئاشتی و سەقامگیری بۆ هەرێمی کوردستان ودیدێنێت .
