هێزەكانی سووریای دیموكرات؛ كوژرانی حەوت سەربازی توركیای لە منبج ڕاگەیاند

مەهدی محەممەد – زاری كرمانجی :

هێزەكانی سووریای دیموكرات – هەسەدە، كوژرانی حەوت سەربازی توركیای لە باكووری سووریا ڕاگەیاند.
ئەنجوومەنی سەربازیی مەنبج ی سەر بە هێزەكانی سووریای دیموكرات لە تۆڕی كۆمەڵایەتی فەیسبووك بڵاوی كردەوە لە كاردانەوەی هێرشەكانی توركیا بۆ سەر ڕۆژئاوای كوردستان، چوار بنكە و بارەگای توركیا لە ناوچەكانی (بەڵداق، شێخ ناسر، قەرەتە و شەقیف) ی سنووری باكووری مەنبج یان بە چەكی قورس بۆردوومان كردووە.
لە ڕاگەیاندراوەكەی ئەنجوومەنەكە هاتووە “بەهۆی بۆردوومانەكانەوە حەوت سەربازی توركیا كوژران و ژمارەیەكی دیكەش برینداربوون.”