مەهدی محەممەد – زاری كرمانجی :
دوای ناوهێنانی سەركردەكانی بەرەی مقاوەمە بە میلیشیا و تیرۆریست، لایەنگرانی گرووپە چەكدارەكانی عێراق هەڵیانكوتایە سەر نووسینگەی كەناڵی ( ئێم، بی، سی) ئاگریان تێبەردا .
كەناڵی ( ئێم، بی، سی) سعوودیی، لە ڕاپۆرتێكدا ناوی سەركردەكانی بەرەی مقاوەمەی بە میلیشیا و تیرۆریست ناو برد، لە كاردانەوەی ناوهێنانی سەركردەكانیان بە تیرۆریست و هێزەكانیان بە میلیشیا، شەوی ڕابردوو ژمارەیەك لە لایەنگرانی گرووپە چەكدارەكانی عێراق بە بەرزكردنەوەی وێنەی سەركردە كوژراوەكانیان و ئاڵای گرووپەكانی حەشدی شەعبی، لە گەڕەكی جامیعە لە بەغدا هێرشیان كردە سەر نووسینگەی كەناڵی ( ئێم، بی، سی) و تەواوی ئامێر و كەلوپەلی ناو نووسینگەكەیان ئاگر تێ بەردا.
