زاری كرمانجی-سۆران:
پێشبینییه‌كانی ڕه‌وشی كه‌ش و هه‌وای ئه‌مڕۆ و سبه‌ی سێشه‌ممه ڕاگه‌یه‌ندرا.
به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێمی كوردستان بڵاویكرده‌وه، ئه‌مڕۆ دووشه‌ممه 30ی9ی2-2024، ئاسمانی پارێزگاكان له نێوان ساماڵ و په‌ڵه هه‌ورده‌بێت، پله‌كانی گه‌رماش كه‌مێك به‌رزده‌بێته‌وه به 1 تا 2 پله به به‌راورد به‌تۆماركراوه‌كانی دوێنێ یه‌كشه‌ممه.
به‌ڕێوه‌به‌رایه‌تییه‌كه ئاماژه‌ی به‌وه‌ش داوه، سبه‌ی سێشه‌ممه 1ی10ی2024، ئاسمان نیمچە هەور دەبێت لەناوچە شاخاوویەکان بۆ هەوری تەواو دەگۆڕێت، لەکاتەکانی شەودا لەناوچە سنووریەکانی رۆژهەڵاتی هەرێم ئەگەری نمە باران هەیە کە هەندی کات دەگۆرێت بۆ تاوە باران و بروسکە، بە شێوەی بچربچر بۆ کاتەکانی بەیانی رۆژی چوارشەممە بەردەوامی دەبێ.
ئاماژه به‌وه‌ش كراوه، پله‌كانی گه‌رما نزیک دەبێتەوە بەراوورد بە تۆمارکراوەکانی ئەمڕۆ .
بەرزترین پلەکانی گەرمای پێشبینیکراو بە پلەی سیلیزی:
هەولێر :34 پلەی سیلیزی
سلێمانی : 32 پلەی سیلیزی
دهۆک: 36 پلەی سیلیزی
کەرکوک: 38پلەی سیلیزی
هەڵەبجە: 35 پلەی سیلیزی
زاخۆ: 34 پلەی سیلیزی
حاجی ئۆمەران : 19 پلەی سیلیزی
سۆران : 31 پلەی سیلیزی
گەرمیان: 39 پلەی سیلیزی
