مەهدی محەممەد – زاری كرمانجی :
سوپای ئیسرائیل كوژرانی شێخ نەبیل قاووق ئەندامی سەركردایەتی حیزبوڵڵای لوبنانی ڕاگەیاند .
بەپێی ڕاگەیاندراوەكەی سوپای ئیسرائیل، كە چەند خولەكێك بەر لە ئێستا بڵاو كراوەتەوە، دوێنێ ئیوارە 28ـى ئەیلوول، شێخ قاووق لە گەڕەكی ئەلسەلام لە باشووری لوبنان لە هێرشێكی ئاسمانی فرۆكە جەنگییەكانی ئیسرائیل كراوەتە ئامانج و خۆی و چەند پاسەوانێكی كوژراون.
هاوكات گوتەبێژی سوپای ئیسرائیل، ئەفیخای ئەدرعی، لە هەژماری خۆی لە تۆڕی كۆمەڵایەتی ئێكس كوژرانی شێخ نەبیل قاووقی دووپات كردەوە و تابلۆیەكی وێنەیی سەركردەكانی حیزبوڵڵای بڵاو كردەوە و وێنەی قاووقی خستووەتە لیستی كوژراوان.
