نرخی دۆلار زیاتر بەرزبووەوە

پشتیوان كەریم- زاری كرمانجی:

سەرۆكی ئەنجوومەنی بازاڕی دراو لە قەزای ناوەندی سۆران، بە زاری كرمانجی ڕاگەیاند: ئەمڕۆ یەک شەممە، لەگەڵ كردنەوەی بازاڕی دۆلار و دراوەکانی دیکە، نرخی سەد دۆلاری ئەمریکی بەرامبەر بە دیناری عێڕاقی ڕووی لەبەرز بوونەوەی زیاتر کردووە، هەروەها بەشێك لە دراوەكانی دیكەش بەرامبەر بە دیناری عێڕاقی گۆڕانكاریان بەخۆیەوە بینیوە، تا دێت بەهای توومەنیش دابەزینی زیاتر بەخۆیەوە دەبینێت .

حاجی محیەدین، سەرۆكی ئەنجوومەنی ئاڵوگۆڕی دراو لە قەزای ناوەندی سۆران، هێمای بۆ ئەوەشكرد:” بەرزی و نزمی دۆلار كاریگەری كردۆتە سەر بازاڕ و تا دێت بەهای دراوەکانی دیکە بەرامبەر بەدۆلار دابەزین بەخۆیەوە دەبینن، سەرجەم دراوەكانی دیكەش گۆڕانییان بەسەر داهاتووە .

100 دۆلار بەرامبەر بە 151,750 دینار مامەڵەی پێوەدەكرێت.

100 دۆلار بەرامبەر بە پێنج ملیۆن و 850 هەزار توومەن مامەڵەی پێوە دەكرێت .

100 دۆلار بەرامبەر بە لیرە بەرامبەر بە سێ ملیۆن و 415 لیرەی توركی مامەڵەی پێوە دەكرێت.

100 یۆرۆ بەرامبەر بە 111 دۆلار مامەڵەی پێوە دەكرێت .

100 پاوەند بەرامبەر بە 133 دۆلار مامەڵەی پێوە دەكرێت.

100 لیرەی توركی بەرامبەر بە 4,450 هەزار دیناری عێراقی مامەڵەی پێوە دەكرێت.

100 هەزار توومەن بەرامبەر بە 2,500 هەزار دینار مامەڵەی پێوە دەكرێت.