زاری كرمانجی-سۆران:
لەلایەن مامۆستایەكی فاكەڵتی یاسا و زانستە سیاسییەكان و بەڕێوەبردن لەزانكۆی سۆران، كتێبی (ڕاپرسی هەرێمی كوردستان لە ژێر ڕۆشنایی یاسای نێودەوڵەتیدا) بڵاوكرایەوە.
د. سانع شەریف قادر، مامۆستا لە فاكەڵتی یاسا و زانستە سیاسییەكان و بەڕێوەبردن لە زانكۆی سۆران، رایگەیاند : ” ناونیشان و ناوەڕۆكی ئەم كتێب و بەرهەمەم (ڕاپرسی هەرێمی كوردستان لە ژێر ڕۆشنایی یاسای نێودەوڵەتیدا) بە سوپاسەوە هەڵەچنی زمانەوانی ئەم كتێبەم لەلایەن م. حازم شێروانی بۆ كراوە، هەروەها دیزانین و پێداچوونەوە و لە بڵاوكراوەكانی دەستەی ئینسكلۆپیدیای پارتی دیموكراتی كوردستانە، لە چاپخانەی دانیشفەر چاپكراوەِ، تیراژی 2000 دانە، لە بەڕێوەبەرایەتی گشتی كتێبخانە گشتییەكانی هەرێمی كوردستان، ژمارەی سپاردنی (788) ساڵی 2022 پێدراوەو لەم چەند رۆژەی رابردوو كەوتە بەر دیدی خوێنەران”.
گوتیشی: ” ئەم كتێبەم بریتییە لە 249 لاپەڕە لەسەر (ڕاپرسی هەرێمی كوردستان لە ژێر ڕۆشنایی یاسای نێودەوڵەتیدا) یەكێك لەو بابەتانەش بریتییە لەوەی كە ئەنجامدانی ڕاپرسی دوایین ئامانجی گەلی كوردستان بوو، بۆ بەدەستهێنانی مافی سەربەخۆی، ئەویش لەڕێگەی جیابوونەوە لە دەوڵەتی عێراق. بەپێی پێوەرە نێودەوڵەتییەكان، ناتوانرێت هەڵسەنگاندنێكی یاسایی بۆ ڕاپرسییەكی یەكلایەنانە بكرێت، بەڵام بۆ گەلی هەرێمی كوردستان، ڕاپرسی بریتییە لە مافێكی سرووشتی و هیچ لایەنێكی نەیار ناتوانێت ئەم مافەی لێ زەوت بكات”.
هەروەك بنەماكانی یاسای نێودەوڵەتی ئەوە دەسەپێنن، كاراكتەرەكانی نێو سیستەمی نێودەوڵەتیی، لە ناویشیاندا دەوڵەت، تاكە لایەنن لە دیاركردنی یاسایبوون و دانپێدانان بە ڕاپرسی بۆ سەربەخۆیی. چوونكە بە بێ دانپێدانانی دەوڵەتان، ڕە نگە ڕاپرسی هیچ قورساییەكی ئەوتۆی لە شانۆی یاسایدا نەبێ.”.
ئەوەشی خستەڕوو : “ئەنجامدانی ڕاپرسی، شێوازێكی سرووشتی پیادەكردنی مافی چارەی خۆنووسینە، جا لە لایەن هەر گرووپ و كە مایەتییەكەوە بێت، كە لە ناو سیستەمێكی سیاسیدا دەژین. هەرچەندە كۆمەڵێك یان كەمایەتییەك لە ناو سیستەمە سیاسیەكەیدا، هەست بە گۆشەگیری و ناسەقامگیری خۆی بكات، ئەوا یاسای نێودەوڵەتی رێگای پێدەداتن، بە دوای ئامرازێكی یاساییدا بگەڕێت، بۆ جیابوونەوە لە سیستەمە سیاسیەكە، یان لە حكوومەتە ناوەندییەكەی خۆی”.
